Flýtilyklar
MYRKRAVERK
-
Launbrögð
Avery Bolt dró útidyrnar að stöfum á eftir sér og smeygði sér inn í skuggana til þess að geta svipast um í holi neðri
hæðarinnar í gamla húsinu. Hún varð að fara afar gætilega. Eitt feilspor gæti reynst banvænt ef húseigandinn
var vopnaður.
Góða stund stóð hún hreyfingarlaus í myrkrinu og lagði við hlustirnar. Dauðaþögn var í húsinu að undanskildu
suðinu í lofkælingarkerfinu og taktföstu tifi í gamalli afaklukku einhversstaðar skammt í burtu. Ekkert sem benti
til annars en að íbúi hússins væri steinsofandi. Að lokum áræddi Avery að lýsa með litla pennaljósinu út í myrkrið
og lét augun reika yfir víðáttumikið holið. Húsgögnin litu öll sem eitt út fyrir að vera rándýrir forngripir. Öryggis-
kerfi var hvergi sýnilegt. Það var vissulega heppilegt fyrir hana en þó fremur undarlegt í þessu hverfi sem varð að
teljast í fínni kantinum á mælikvarða bæjarins.
Tunglskinið flóði í gegnum glerið í frönsku dyrunum þar sem hún hafði komið inn. Það stirndi á marmarann
í arninum í geislum þess.
Avery læddist á tánum yfir gljáfægt viðargólfið að tvöföldum dyrum sem reyndust liggja inn í minni gestastofu.
Gluggatjöldin voru dregin fyrir gluggana og því kolsvarta myrkur þar inni. Avery staðnæmdist í dyragættinni þegar
geisli vasaljóssins hafnaði á tveimur glitrandi augum.
Hún hrökk við en áttaði sig síðan á að þarna voru tugir postulínsbrúða sem störðu blindandi út í myrkrið að baki
glerinu í ævagömlum glerskáp. Skósíðu blúndukjólarnir og máluðu andlitin löðuðu hana nær og AveryEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lukkupeningurinn
Langt inni í helli nálægt Black Creek í Flórída hafði beinagrind karlmannsins NN legið falin í næstum þrjá áratugi. Réttarmannfræðingurinn sem lögreglustjórinn á staðnum hafði hringt í reiknaði með að hinn látni hefði verið tæplega þrítugur þegar hann dó. Hann hafði verið hávaxinn, grannur og rétthentur, með góðar tennur og sterk bein. Og hann hafði verið myrtur á hrottalegan hátt. Sleginn í hnakkann og stunginn í brjóstið oftar en einu sinni. Óhóflegt, hugsaði Eve Jareau og gretti sig í huganum þar sem hún stóð og virti fyrir sér beinagrindina, sem hafði verið lögð gætilega á bakið á stálborðið. Hún fékk gæsahúð og það kom henni á óvart. Hún var ekki ókunnug dauðanum. Á þeim sex árum sem hún hafði starfað hjá lögreglunni í Black Creek hafði hún séð fólk sem hafði beðið bana í skotárásum, umferðarslysum eða af náttúrulegum orsökum. Hún skildi ekki af hverju þessar óþekktu líkamsleifar höfðu svona mikil áhrif á hana. Ef til vill var það umhverfið. Byggingin sem hýsti réttarmannfræðistofuna var gömul og það brakaði í henni hér og þar. Þrátt fyrir ljósin í loftinu virtist sífelldur skuggi hvíla yfir borðunum með veðruðu beinunum og hillunum með munum til mannfræðirannsókna. Ekki bætti rigningin, sem buldi á gluggunum, úr skák. Hrollur fór um Eve og hún leit á yfirmann sinn, lögreglustjórann Nash Bowden, sem stóð hinum megin við borðið. Hann leit ekki upp, hvort sem hann varð var við augnaráð hennar eða ekki.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Grimmdarverk
Bæði upplitaði, blái bíllinn og eigandi hans, hin holdgranna og hörkulega Reggie Lamb, voru farin að láta á sjá. Hún pírði augun og leit yfir hóp komufarþeganna á Tallahassee alþjóðaflugvellinum. Sólin og lífið höfðu markað djúp för í húð hennar og ljósu krullurnar voru orðnar gráar. Hún var bara 49 ára en leit út fyrir að vera minnst áratug eldri. Eða svo fannst Theu Lamb sem fylgdist með henni úr hópnum. Svo skammaðist hún sín fyrir dómhörkuna. Hún hafði ekki lagt ferðina á sig til að veltu sér upp úr göllum móður sinnar heldur af því nú hafði annað barn horfið í bænum Black Creek í Flórída og Thea hafði flogið frá Washington DC til að hjálpa við leitina. Black Creek. Heiti heimabæjar hennar passaði ágætlega inn í þungbúið landslagið við landamæri Flórída og Georgíu. Svæðið var það syðsta í Sólskinsríkinu en Thea hefði frekar kallað það myrkt en sólríkt. Stór svæði skógarþykknis breiddu úr sér ofan á neðanjarðarneti hella og uppspretta. Þetta var staður sem þaggaði niður óp og faldi bein að eilífu. Lykt af mosa og eðju, þefurinn úr martröðum hennar, sótti á Theu svo hún dró andann djúpt og kæfði hann með flugvélaútblæstrinum. Fyrra barnið sem hvarf, fyrir 28 árum, hafði verið Maya, tvíburasystir hennar. Henni hafði verið rænt úr herberginu sem þær sváfu báðar í. Minningarnar um þá nótt sóttu að henni og hún þurfti að minna sjálfa sig á að hún væri fullorðin
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista