Flýtilyklar
STEALTH
-
Bjarnaslóð
Það var miklu auðveldara að skilja birni en fólk. Birnir hugsuðu bara um næstu máltíð og kærðu sig ekki um
að vera blekktir. Kannski þótti Amber Daniels svo vænt um þá vegna þess. Ef einhver spyrði hana myndi hún
viðurkenna að hún ætti margt sameiginlegt með björnum.
Reyndar myndi innri rödd hennar vara hana við slíkum játningum, sem orðið gætu vatn á myllu andstæðinga
hennar.
Það besta við birni? Þeir þurftu ekki að sætta sig við neitt kjaftæði frá neinum. Þeir voru efst í fæðukeðjunni
og þurftu ekki að gera nokkurn skapaðan hlut til að sanna það. Þeir voru án efa þeir sem stjórnuðu í sínum heimi.
Það var kraftur bjarnarins og náttúruleg grimmd sem hélt vöku fyrir fólki á nóttunni. Þegar það stóð andspænis þeirri staðreynd að allir menn voru viðkvæmir í samanburði við meistara skógarins, hvort sem þeir töldu sig vera lömb eða úlfa, breyttist þessi veikleiki í ótta.
Og ótti breyttist síðan í þörf fyrir að stjórna.
Það var þessi þörf og löngun fólks til að stjórna öllu sem olli því að Amber var á vettvangi þennan dag. Hún
var veiðieftirlitsmaður í Montana-ríki og því var það hluti af starfi hennar að ná björnum í gildru og flytja
þá burt, en henni þótti það ævinlega óþægilegt. Henni þótti vænt um birni og þegar hún veiddi þá leið henni
eins og hún væri að hneppa sjálfa sig í fjötra.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Eftirförin
Það var gjöf að vera við dauðans dyr. Eftir að hafa eitt ævinni í fremstu víglínu í mörgum styrjöldum innan fjölskyldunnar var það ekki fyrr en hún særðist, og var talin af, sem hún fann frelsið til að lifa lífinu.
Sárið undir vinstra viðbeininu minnti Kendru Spade á það daglega hvað hún hafði komist nálægt brúninni. Þetta
hafði líka verið það sem hún þurfti til að komast út úr fjölskyldufyrirtækinu. Kúla sem hún væri sátt við að fá í
sig aftur.
Hún klæddi sig í silkiskyrtuna og hneppti henni, en ekki alveg upp í háls til að það sæist í demantshálsfestina. Eins
og annað sem glitraði hafði hún aðdráttarafl fyrir stórlaxana með stærstu ginin. Giuseppe dómari sagði alltaf eitthvað
um hálsfestina hennar eftir réttarhöld. Hún efaðist ekkert um, miðað við blikið í augunum sem voru orðin sljó af að
horfa upp á alla illskuna, að það væri ekki bara hálsfestin sem honum fannst falleg. Að því sögðu myndi hún aldrei
selja sál sína fyrir greiða frá dómara. Það voru til miklu betri og auðveldari leiðir til að fá það sem hún vildi.
Hún tók dragtarjakkann, lagði hann yfir handlegginn og smeygði sér í háhæluðu skóna með rauðu sólunum. Setti á
sig varalit áður en hún gekk út af skrifstofunni og kíkti á sig í speglinum við dyrnar. Fullkomin í útliti eins og alltaf.
Það var gott að spegillinn sýndi ekki inn í sál hennar.
Þá sæist allt baslið sem fylgdi því að vera saksóknari og kona með fortíð. Allt í lífi hennar var fullt af sárum
og tilfinningalegum sprengjubrotum en bestu hlutarnirEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Afdrifaríkur leiðangur
Ástin var tungumál sem flestir töluðu en fáir þó reiprennandi og Elle var svo sannarlega þeirra á meðal. Skilgreining hugtaksins sem slíks var ekki flókin... sameining tveggja sála sem var svo fullkomin að enginn og ekkert komst upp á milli þeirra. Þetta var allavega lýsingin samkvæmt ævintýrunum sem hún hafði verið mötuð á sem barn. Líklega voru þessar vægt sagt óraunhæfu væntingar ævintýranna orsök endurtekinna mistaka hennar á sambandssviðinu. Samkvæmt ævintýrunum grundvallaðist sönn ást fyrst og fremst á flottum ballkjólum, kampavíni og ástarorðum sem hvíslað var í eyra en hennar reynslu af ástinni mátti hinsvegar lýsa sem stefnumótum sem ekkert varð úr, símhringingum dauðadrukkinna kærasta um miðjar nætur og sviknum loforðum. Í huga Elle var ástin því einungis byggð á lygum og svikum... og þriggja ára stúlkubarnið sem stóð þarna fyrir framan hana var enn ein staðfesting þess að saklausir liðu þegar ást og lygar fóru saman. –Fröken Elle? sagði litla stúlkan biðjandi röddu þó svo að hún hefði ekki beðið um neitt eða spurt beinnar spurningar. –Hvað, Lily mín? sagði Elle og brosti blíðlega til litlu, ljóshærðu stúlkunnar sem var öll klístruð og óhrein á höndunum eftir sykurflosið sem hún hafði verið að enda við að gæða sér á. Hún seildist í handtöskuna sína og náði í pakka með votþurrkum. –Nei, andmælti Lily og setti stút á varirnar um leið og hún sneri sér undan.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Leyndarmál dómarans
Leyndarmál gátu verið eins og eitur í beinum fólks. Stundum virkuðu þau eins og hver önnur sníkjudýr sem átu fólk að innan þar til ekkert var eftir nema innantóm skelin. Natalie DeSalvo dómari hafði margsinnis orðið vitni að þessu og vissi sem var að það myndi ekki breytast. Þessi síðasta vika hafði verið einkar erfið fyrir Natalie. Síðast í morgun hafði hún dæmt í máli sem snérist um mansal. Eitt fórnarlambið hafði borið vitni. Þegar þessi unga stúlka gekk inn í réttarsalinn skalf hún á beinunum og hélt báðum höndum þétt að sér án þess að líta upp. Greina mátti svitaperlur á enni hennar og hún var náföl. Enginn vafi var á því að hún óttaðist um líf sitt. Natalie bað hana um að líta upp og horfast í augu við sig og þegar hún gerði það skynjaði hún auðveldlega eymdina og þjáninguna sem bjó að baki ísköldu augnaráði hennar. Natalie fann til svo mikillar samkenndar með stúlkunni að hún átti erfitt með að halda aftur af tárunum. Hún fann sárlega til með þessari ungu stúlku sem sagði söguna af því hvernig hún var numin á brott og seld á strætum Las Vegas borgar. Smám saman héldu henni engin bönd og þegar saksóknararnir þrýstu á hana sagði hún allt af létta. Þá loks hætti hún að stara niður í gólfið, rödd hennar varð æ styrkari og þegar hún leit í augu mannsins sem hafði selt hana var eins og hún vaknaði loks til lífsins
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Barnsránið
Mike hataði fátt meira en brúðkaup. Engu máli skipti hverjir voru að gifta sig, hvar eða hvenær ársins athöfnin var haldin eða hve mikið eða lítið væmin heit brúðhjónanna voru. Í hans huga voru brúðkaup einfaldlega óþægilega væmin og þjáningarfull athöfn. Reynsla hans í gegnum árin hafði nefnilega sýnt honum og sannað að það voru tvennskonar atburðir sem kölluðu samtímis fram það versta og það besta í fólki... brúðkaup og jarðarfarir. Mike leit í átt að veislusalnum sem var í litlum skíðakofa fyrir ofan aflíðandi brekku sem þjónaði sem æfingabrekka fyrir byrjendur á skíðum yfir vetrarmánuðina. Úr þessari fjarlægð sá hann auðvitað lítið annað en rétt móta fyrir stórum súkkulaðibrunni og hárri, hvítri rjómatertu í gegnum stóra gluggann á framhlið skíðakofans. Allt virtist með kyrrum kjörum í veislusalnum... sem þýddi líkast til að Savannah frænka hans var ekki komin á kaf í flöskuna. Presturinn malaði um tilgang lífsins en Mike var í raun ekki að hlusta þar sem hann virti fyrir sér gestina í sætaröðunum fyrir framan sig. Carlene frænka hafði tekið hárið saman í hefbundinn hnút ofarlega í hnakkanum en gráu hárin voru greinilega meira áberandi en við síðustu athöfn. Carlene var uppáhaldsfrænka hans og þau Bingo frændi sátu þar sem foreldrar brúðgumans sátu alla jafnan, í fremstu sætaröð í þeirri hlið kirkjunnar þar sem ættingjar brúðgumans sátu. Tilhugsunin um þetta fékk hann til að sakna móður sinnar og föður. Faðir þeirra hafði margsinnis talað um hve hann
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Leyniskyttan
Hún var hamingjan hans og hann gat ekki ímyndað sér neitt betra en að verja dögunum í þeim stöðugu átökum sem fylgdu stríðshrjáðum löndum og verktöku fyrir herinn og nóttunum í friðsælum faðmi hennar. Hann skorti ekkert. Þegar hann andaði að sér fann hann enn ilminn af henni í gegnum lyktina af sandi, svita og olíu. Náttúrulegi ilmurinn af henni var dásamlegur og þegar hún skvetti á sig ilmvatni jók það bara á þörf hans fyrir að hafa hana í faðmi sér. Svona, Troy, snúðu aftur til veruleikans, sagði hann við sjálfan sig. Hann er ástæðan fyrir því að það er slæm hugmynd að vera með henni. Ástin var óæskileg. Hún þýddi veiklyndi. Ást myndi stofna hlutlægni þeirra í hættu. Ástin leiddi einungis til mistaka. Og mistök voru ekki í boði. Í þeirra starfi voru mistök það sama og dauði. Hárlokkur hafði sigið undan hjálminum og hótaði að falla niður fyrir augað á henni á meðan hún ók. Honum þótti freistandi að stinga lokkinum undir hjálminn en það var það síðasta sem hann mátti gera. Hann leit í aftursætið þar sem byssumennirnir sátu, horfðu út um gluggann og svipuðust um eftir hugsanlegum ógnum. Ef þá grunaði að eitthvað væri á milli Troys og Tiff fengi hann spark í rassinn og annað hvort þeirra eða bæði send með næstu vél til Bandaríkjanna. Þá yrðu hveitibrauðsdagarnir sannarlega á enda og hann yrði að snúa sér aftur að einhverri ömurlegri iðju þar sem hann ætti fullt í fangi með að láta enda ná saman. Ekki í boði
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Árásin
Veröld Shaye Griest hafði alltaf verið full af demöntum og perlum og hún hafði aldrei þurft að hugsa um eitthvað sem hún átti ekki... starfsfólkið sá um allt fyrir hana og hana hafði aldrei skort hluti. Pabbi hennar var forsætisráðherra Alsír og landið var auðugt af olíu og gasi. Þegar hún var 5 ára hafði hún fengið gullsleginn Rolls Royce að gjöf frá forseta Nígeríu sem sagði kæruleysislega, –handa þér þegar þú getur farið að keyra bíl.
15 árum síðar stóð bíllinn í bílskúr í felustað föður hennar í Alsír... og hún myndi aldrei sjá hann aftur og pabba sinn ekki heldur.
Í sannleika sagt hafði hún aldrei verið hrifin af bílnum eða manninum sem gaf henni hann eða af pabba sínum sem geymdi bílinn hjá sér. Gott að vera laus við þá alla.
Hún dró kragann á kápunni betur saman um hálsinn meðan hún gekk að Combine matsölunni í Mystery, Montana. Það var farið að hvessa og desemberkuldinn varð ennþá naprari við það.
Úti var 12 stiga frost en henni leið eins og hún væri komin á dimma hlutann á tunglinu. Hún gæti alveg eins verið þar því pabbi hennar myndi frekar leita að henni þar en hérna í Montana.
Eða það vonaði hún að minnsta kosti. Mannfjandinn fann alltaf einhverja leið til að finna hana.
Skiltið utan við matsöluna skrölti í keðjunum sem það hékk í og hljómaði eins og vofa liðinna jóla. Hljóðið bergmálaði í
snævi þöktu umhverfinu og minnti hana á sáran einmanaleika sinn.
Hún vissi hvernig kuldi var því hún hafði ferðast mikið en hafði ekki reiknað með einmanaleikatilfinningunni sem fylgdi
svona ískulda.
Hún hefði átt að flýja á heitari stað. Tahítí var fínn staður áEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Launmorðinginn
Það kemur að þeim tímapunkti í lífinu að maður verður að taka afstöðu og sýna öðrum hver maður er í raun og veru. Í skáldsögum var góðmennum alltaf stillt upp á móti illmennum og sá sem var hjartahreinastur sigraði. Í raunveruleikanum var samt ekkert svona einfalt.
Þegar Zoey var barn hafði hún eytt mörgum klukkutímum í einu við að klifra í uppáhaldstrénu sínu í garðinum og hvísla
leyndarmálum sínum að því meðan hún ímyndaði sér hvernig framtíðin yrði... framtíð sem yrði bara full af hamingju og velgengni. Draumarnir voru mismunandi en enduðu alltaf á því að hún var riddarinn á hvíta hestinum sem bjargaði saklausu fólki.
Hún hafði litið á tréð og styrk þess sem sjálfsagðan hlut, það var alltaf þarna og veitti henni alltaf skjól og hún vonaði að hún gæti veitt öðrum skjól einhvern daginn. Tréð var nokkurs konar hetja í hennar augum.
Einn daginn brotnaði trjágrein undan henni, trjágrein sem leit út fyrir að vera sterk og heilbrigð, og hún féll til jarðar.
Hún hafði verið 9 ára en ef hún lokaði augunum og einbeitti sér heyrði hún ennþá hljóðið þegar fótleggurinn brotnaði við það að lenda á hörðum trjárótunum.
Þegar fyrsti kærastinn hélt framhjá henni með bestu vinkonu hennar og þegar kærastinn hennar í framhaldsskólanum hafði allt í einu látið eins og hún væri ekki til varð henni hugsað um tréð. Þar hafði hún lært sína fyrstu lexíu um réttlætið... þó að allt liti vel út á yfirborðinu og virtist heilbrigt þýddi það ekki að innrætið væri ekki rotið.
Zoey Martin hafði treyst fáum eftir það, bara nokkrumEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Augastaður
Það var ómögulegt að breyta manneskju. Hins vegar var mögulegt að breyta áliti viðkomandi ef hvötin til þess var
fyrir hendi. Það vildi þannig til að dauðinn var ansi sterk hvöt.
Jarrod Martin horfði á manninn sem var bundinn við stólinn í miðju yfirheyrsluherberginu í Delta-búðunum, öðru
nafni Guantanamo Bay. Það var heitt, sem minnti hann á daga hans í Írak, en loftið var rakt og lyktaði af svita og hræðslu.
Þegar þessu væri lokið færi hann aftur út í daglegt líf þar sem var ekki hægt að sjá að stríð væri í gangi. Það var samt
sama hvar hann var staddur í veröldinni, þar var alltaf einhvers konar stríð í gangi og meira segja á nýja heimilinu hans
í Montana. Þess vegna var hann ekkert að flýta sér heim.
Hann var hingað kominn til að annað fólk væri öruggt, hann sjálfur meðtalinn. Hann var maðurinn sem var sendur af
stað til að lagfæra ástand sem ógnaði örygginu og til að losa aðra við hryðjuverkamenn.
–Losið hann, skipaði hann og horfði á fulltrúana tvo sem hann hafði fengið með sér sem verði.
–Herra, þetta er þekktur glæpamaður, sagði sá sem stóð nær. Hann leit út fyrir að vera 25 ára gamall eða svo og
Jarrod hefði getað svarið að það vottaði fyrir mjólkurskeggi á honum.
Hann bældi niður hlátur. –Hvað heitir þú? spurði hannEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Útsendarinn
Hún opnaði byssutöskuna og í ljós kom M24 riffill fyrir leyniskyttur, afskaplega fallegur riffill. Trish þurfti ekki að skjóta
einu einasta skoti úr honum til að vita hvernig tilfinning það var að toga í gikkinn, finna púðurlyktina og horfa á óvinina
falla á hnén.
Það var besta tilfinning í heimi sem fylgdi réttlætanlegri aftöku og það yrði auðvelt að losa umheiminn við mennina sem
stóðu í kringum hana, menn sem útdeildu dauða til annarra.
Hún strauk eftir byssunni og fann ójöfnu á henni þó að hún væri ný. Þessi byssa var ætluð fyrir annars konar aftöku, árás úr fjarlægð en ekki skot í höfuðið í návígi.
Sumir voru fljótir að dæma hana og fjölskyldu hennar fyrir starfið sem þau sinntu en henni var alveg sama. Henni var
sama þó að hún verndaði fólk sem kunni ekki að meta þessa vernd þó að sama fólk kynni að meta aðra verndara. Hún var veiðimaður sem barðist fyrir sitt svæði og lífi eins og hún þekkti það.
Það dimmdi meðan hún beið eftir Bozkurtlar, sem sumir kölluðu Gráu úlfana. Það var vægt til orða tekið að kalla þá
tyrknesk glæpasamtök því þetta var miklu meira en það. Samtökin voru ástæðan fyrir því að hún og fjölskylda hennar voru hérna í Adana, ástæðan fyrir því að hún svaf ekki á næturnar út af öllum ómerktu gröfunum sem voru á víð og dreif um hæðirnar. Nafnið passaði vel við samtökin því það skipti engu máliEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista