Þegar Gemma Hanson opnaði útidyrahurðina var dauðaþögn í húsinu.
Öryggiskerfið gaf ekki frá sér neitt hljóð.
Ekkert blikkandi ljós sem varaði hana við að kerfið myndi fara í gang eftir tíu sekúndur. Það þýddi bara eitt, það hafði einhver átt við kerfið.
Morðinginn hafði fundið hana.
Óttinn kom, ískaldur eins og rakvélablað sem skarst í hana og hann dró fram minningarnar.
Minningar sem skáru dýpra í huga hennar en óttinn.
Hún missti pokann og lyklana sem hún hélt á og greip byssuna sína sem hún var með í veskinu. Hún varð samt einhvern veginn hræddari við það að halda á byssunni vegna þess að innst í huga sér vissi hún að það yrði ekki nóg
til þess að stoppa hann.
Nei.
Morðinginn myndi ná henni í þetta skiptið.
Hann myndi klára það sem hann byrjaði á fyrir ári síðan og hann myndi vera viss um að slitróttur andardráttur hennar væri hennar síðasti.
Hún stóð kyrr og reyndi að hægja á hjartslættinum svo hún gæti hlustað eftir honum inni í litla húsinu. Það myndi þýða lítið að hlaupa. Hún hafði lært það af fyrri kynnum við hann, hann vildi láta hana hlaupa.
Þetta var leikur fyrir honum og hann var góð­ ur í leiknum, þannig náði hann að skjóta þrem skotum í hana áður en hún náði að flýja, síðast þegar þau hittust.
–Hvar ertu? spurði Gemma og stóð enn í dyrunum. Hún náði bara að hvísla orðin. Húsið var hljótt, of hljótt. Þögult sem gröfin.
Hann svaraði ekki, enginn svaraði, þannig að Gemma prófaði aftur. Í þetta skiptið ákvað hún að nota nafnið hans.
–Eric?
Rödd hennar var aðeins sterkari í þetta skiptið og hún hljómaði sterkari en hún var. Það var samt ekki nóg til þess að hræða hann í burtu. Ef Eric Lang væri hræddur við eitthvað þá vissi Gemma ekki hvað það var. Þrátt fyrir að það væri hennar sérgrein, að vita ótta annarra.
Það var sérgrein hennar, leiðrétti hún sjálfa sig.

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

–Með dyggri aðstoð rannsóknateymis Fort Worth hefur okkur tekist að rekja atburðina um það bil ár aftur í tímann, svaraði Zach.
Var heilt ár síðan þessi geðveiki náungi sem fengið hafði viðurnefnið Jacobstown refurinn hóf misþyrmingar og dráp á smádýrum þarna á svæðinu? Síðan hafði hann skipt um gír og byrjað að ráðast á kvígur á nautgripabúgörðum
í nágrenni bæjarins. Aðferðin var sú sama og áður... hann hjó vinstri afturfótinn af vesalings dýrunum þannig að þeim blæddi hægt og ró­ lega til dauða án þess að geta nokkra björg sér veitt. Dauðu kvígurnar höfðu hingað til flestar
fundist í nágrenni Rushing víkur sem var á landareign Kent búgarðsins. Öll dýr sem orðið höfðu fyrir barðinu á skíthælnum voru kvenkyns og kvenfólk á svæðinu því orðið verulega vart um sig. Núna nýverið hafði fyrsta konan
síðan orðið fyrir barðinu á morðingjanum...
Breanna nokkur Grisvold

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Ég frétti að þú værir fluttur í bæinn en hélt að fólk væri að gantast.
Hann hafði verið næstum áratug í burtu og hún furðaði sig á því að hann skyldi hafa snúið aftur til Jakobsbæjar í Texas.
–Já, fyrirgefðu að ég skyldi ekki hafa samband.
Það var einkennilegt að hann skyldi segja þetta. Hafði hann ætlað að hitta hana einhvern tíma?
–Það er allt í lagi, sagði hún.
–Ég veit að það er langt síðan síðast en ég þarf að biðja þig um greiða.
Jæja, hann lét að minnsta kosti ekki sem hann væri bara að hringja til að heyra í henni hljóðið. Hvers vegna var hún vonsvikin yfir því? Að sumu leyti óskaði hún þess að hann hefði hringt til að gá hvernig hún hefði það eða hvort hún vildi fá sér kaffi með honum.
Það var hálfgert áfall að heyra frá honum eftir öll þessi ár.
–Hvað get ég gert fyrir þig? spurði hún.
Hún heyrði í einhverju eða einhverjum á bak við hann. Kannski var það bara sjónvarpið.
–Ég á ekki í önnur hús að venda með erindi mitt, sagði hann.
Forvitni hennar var vakin. Hann var alls ekki sjálfum sér líkur. En á hverju hafði hún svo sem átt von? Hann hafði verið óvirkur á samfélagsmiðlunum eftir að hann gekk í herinn og yfirgaf Jakobsbæ. Hún hafði ekki fylgst

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Travis Zucker hafði rænt hana aleigunni, svipt hana lífsviðurværinu og satt best að segja einnig virðingu. Hún hafði verið ung og saklaus þegar hún féll fyrir þessum mjög svo að­ laðandi manni sem hafði töfrað hana upp úr skónum frá fyrstu stundu.
Þegar Travis svaraði ekki textaboðum hennar á meðan fæðingarhríðarnar ágerðust stig af stigi hafði hún farið að óttast um eiginmann sinn. Hún var sannfærð um að hann hefði lent í skelfilegu bílslysi vegna þess að hún sá enga aðra skýringu á því að hann missti af fæðingu dóttur þeirra. Síðan hafði tekið við sautján klukkutíma erfiði við að koma barninu í heiminn með dyggum stuðningi móður hennar og loks áfall og skelfing þegar hún áttaði sig á að það væri núna á hennar ábyrgð einnar að ala önn fyrir þessu hjálparlausa kríli án þess að eiga bót fyrir boruna á sér. Þær Skylar höfðu flutt inn til móður Chelsea sem orðin var mjög heilsuveil. Það hafði því verið veruleg áskorun að sjá til þess að móðir hennar tæki lyfin sín á réttum tímum og ekki síður að þéna nægilega mikið til að greiða fyrir öll lyfin sem hún
þurfti að taka.
Chelsea hrópaði aftur á dóttur sína en fékk enn ekkert svar. –Mamma? hrópaði Chelsea upp tröppurnar til móður sinnar sem hafði ætlað að aðstoða Skylar við að klæða sig áður en hún færi á leikskólann. –Hvernig gengur þarna uppi?

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Bad Medicine“ með Bon Jovi ómaði í tólinu í vinstra eyranu á henni. Hún hafði ævinlega annað eyrað opið til að geta heyrt í hlaupurum, hjólreiðamönnum eða línuskautafólki.
Sífellt fleiri gangandi vegfarendur létu lífið vegna þess að þeir voru með heyrnartól í eyrunum eða að fikta í símunum sínum, ekki síst við gatnamót. En í þetta sinn var Leah að hlusta eftir morðvargi.
Hún dró ermarnar niður á úlnliðinn og reyndi að halda þeim á sínum stað.
Hún hélt stöðugum hraða en íhugaði eitt andartak að snúa við þegar hún kom að staðnum þar sem kona hafði verið dregin út af stígnum og myrt með hrottalegum hætti kvöldið áður. Lögregluborðar höfðu verið strengdir milli trjánna allt í kringum morðvettvanginn, sem var um það bil fimm metra frá stígnum.
Tólf bráðabirgðaljósker lýstu upp stíginn framundan.
Hrollur fór um hana. Henni fannst eins og einhver væri að fylgjast með ferðum hennar.
Hún kenndi kuldanum um og svæðinu. Engu að síður rann henni kalt vatn milli skinns og hörunds.
Framundan beindi götuljós bjarma sínum  niður á jörðina og lýsti upp um það bil fimm metra radíus. Hún stóð fyrir utan skin þess og kastaði mæðinni. Síðan tók hún farsímann upp úr vasa sínum og skrúfaði niður í honum.
Það skrjáfaði í laufum fyrir framan 

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Líklega var það adrenalínflæðinu að þakka en hún fann ekki til sársauka en hinsvegar fann hún enn fyrir áhrifum af litlausa vökvanum sem kjólfataklæddi náunginn hafði hellt upp í hana. Hún hafði sem betur fer áttað sig strax á því hann var að reyna að byrla henni eitthvað. Hún hafði kveikt á perunni um leið og bitur drykkurinn snerti tungu hennar og hafði auðvitað reynt að spýta honum út úr sér en kjólfataklæddi náunginn... af hverju mundi hún ekki hvernig hann leit út?... hafði hrundið henni upp að veggnum, neglt hana fasta þar með líkama sínum og síðan hellt úr glasinu
upp í hana. Hann hafði verið alveg ofan í henni en samt mundi hún ekki hvernig hann hafði litið út.
Ógeðslegt málmbragð í munni hennar og megn fnykurinn af rakspíranum hans hafði fyllt hana ógleði. Hann hafði rykkt höfði hennar aftur og reynt að þvinga hana til að kyngja köldum vökvanum sem honum hafði tekist að hella upp í hana. Á sama andartaki hafði herbergið byrjað að hringsnúast í kringum hana og Kelly hryllti við þegar hún mundi
eftir köfnunartilfinningunni sem greip hana.

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Síminn hringdi í vasa hans og skjárinn sýndi nafn systur hans, Amber, sem var yngst Kent-systkinanna sex.
–Ég vildi að ég gæti komið með þér, Mitch, sagði hún formálalaust.
–Þetta er allt í lagi, sagði hann.
–Það er ekki allt í lagi hjá þér og þú þarft ekki að látast með það, svaraði hún.
–Við ræddum þetta í símtalinu í gærkvöldi. Þú þarft að vera á búgarðinum og ég get séð um þetta, fullvissaði hann hana. Vonandi myndi hún ekki skynja hve innantóm orð hans voru.
Það varð löng þögn.
–Ertu viss um að þú treystir þér til að gera þetta einn? spurði hún loks.
–Ég hef ekki haft eina mínútu út af fyrir mig síðan tvíburarnir fæddust, sagði hann hálfhlæjandi. Þetta voru orð að sönnu og hann reyndi að létta andrúmsloftið með svolitlum húmor. Í sannleika sagt skildi hann ekki hvernig þetta ætti að bjargast án Kimberly.

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók

Hitaneminn var ekki það eina sem hana vantaði.
Hún var ekki með sjónauka, engan hlerunarbúnað og vopnin voru ekki til að hrópa húrra fyrir. Hnífurinn í beltinu var ágætur í návígi en byssan var klunnaleg og ekki til að treysta á.

Hún vildi frekar vopn eins og hún hafði notað í Afganistan.
Það sama gilti um fötin sem hentuðu tilefninu alls ekki. Hún hafði verið á leiðinni á há­ degisfund á flottum stað í Denver og var í svörtum leðurjakka, ólívugrænni silkiblússu, svörtum síðbuxum og reimuðum sandölum með 5 cm hælum. Sem einnar­konu­árásarsveit hefði hún átt að vera í fatnaði í felulitunum og skóm með stáltá.
Adrenalínið fór að flæða þegar annar vörðurinn leit í áttina til hennar. Hún faldi sig bak við tréð og vonaði að dökkur klæðnaðurinn hyrfi í skuggunum. Ljósa hárið var falið undir mynstruðum klút og hún hafði brett kragann upp til að
skyggja á andlitið. Bláu augun voru það eina sem sást vel. Hún pírði þau og fylgdist með verðinum sem sneri höfðinu og hélt áfram.

Eignastu þessa bók sem rafbók núna!

Rafbækurnar frá okkur getur þú hlaðið beint niður af síðunni okkar þegar þú kaupir bók