Flýtilyklar
Ást og óvissa
-
Á bláþræði
Tyler var meinilla við slys og óhöpp.
Bræðurnir sex höfðu erft nautgripabúgarðinn tveimur mánuðum eftir að foreldrar þeirra höfðu beðið bana í „slysi“. Nýjar vísbendingar höfðu orðið til þess að lögreglustjórinn hóf rannsókn málsins á ný, enda benti margt til þess að um morð hefði verið að ræða.
–Ertu ómeiddur? kallaði hann og vonaðist eftir svari þó að hann byggist ekki við því.
Líkaminn var fastur undir hjólinu. Tyler sá hann ekki vel, en hafði nógu oft orðið vitni að svona atburðum til að gera sér grein fyrir því við hverju mátti búast.
Ekkert farsímasamband var á þessum hluta jarðarinnar svo að hann gat hvorki hringt á sjúkrabíl né lögreglu. Labbrabbtækið hafði hann skilið eftir á geldingnum sínum, honum Digby. Flestir stórbændur notuðu fjórhjól og
pallbíla til að kanna ástand girðinga, ekki sístþegar jarðirnar voru jafn stórar og Nautabú.
Tyler hafði hins vegar talið að hestinum veittiEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Vonarglæta
Nöpur hviða nísti Dallas er hann sté út úr pallbílnum sínum og lokaði á eftir sér. Hann bretti upp ermarnar á yfirhöfninni. Umferðin var lítil og hann hafði því komist í búðina á mettíma. Yfirleitt var búið að opna hana á
þessum tíma, en Jessie hafði oft verið seinn fyrir á morgnana síðan þau hjónin eignuðust tvíbura snemma í mánuðinum á undan.
Bíll ók yfir planið. Var þetta Kate Williams, hinn stolti eigandi súpueldhússins Matverks?
Dallas hafði ekki hitt hana enn, enda hafði hann haft nóg fyrir stafni á búgarðinum frá því að foreldrar hans dóu.
Kona kom út úr bílnum og opnaði afturdyrnar. Hún var lágvaxin, klædd þykkum, bláum jakka og með trefil. Hann hló innra með sér. Konunni var greinilega jafn illa við kulda og honum.
Honum sýndist hún vera í bláum gallabuxum og loðfóðruðum stígvélum. Þetta voru dýr föt ef þess var gætt að konan rak súpueldhús.
Og hún byrjaði bersýnilega snemma að vinna, því að klukkan var ekki nema hálfsex.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Óveður
Planið hennar í kvöld var að finna einkatölvu James Wynter og hala innihaldi hennar niður á minnislykil. Hún hafði læðst úr afmælisveislunni sem haldin var fyrir einn af æðstu yfirmönnum í Wyntersamsteypunni. Gestirnir höfðu hellt í sig kampavíni og dáðust hástöfum að útsýninu yfir Golden Gatebrúna sem bar við næturhimininn. Sumir höfðu kvartað yfir að hafa þurft að láta frá sér farsímann sinn og Emily var sammála því. Það hefði verið gott að geta tekið myndir af háttsettum stjórnmálamönnum að skemmta sér með óþokkum Wynters.
Undir þiljum gekk hún að annarri hurð til hægri. Henni hafði verið sagt að þetta væri skrifstofa James Wynters. Fægður látúnshúnninn snérist auðveldlega í hönd hennar. Engin þörf á að dírka upp lásinn.
Hjarta hennar barðist hratt þegar hún fór inn.
Það var slökkt á skrifborðslampanum en í tunglskininu sem barst inn um kýraugað, greindi hún opna fartölvuna. Það tæki ekki nema nokkrar mínútur að færa gögn Wynters yfir á minnislykilinn og þá væri hún loksins með sönnunargögnin sem hún þurfti fyrir mansalsgreinina sína.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hildarleikur
Hailey Darrow er horfin.
Lucas hafði brunað á spítalann til að sjá það með eigin augum. Og nú hafði hann séð, svo ekki varð um villst, að rúmið hennar var tómt.
–Hvernig í fjáranum gat þetta gerst? spurði Lucas.
–Hef ekki hugmynd, svaraði Parton og klóraði sér í hálfsköllóttum kollinum. –Ég er búinn að spyrja allt starfsfólkið, en enginn veit neitt. Hailey hlýtur að hafa fengið hjálp.
Hún hefði ekki getað staðið upp og komist út ein síns liðs.
Nei, tæplega. Hún hafði legið í dái í þrjá mánuði. Hún hefði ekki getað staðið hjálparlaust, hvað þá gengið og farið af sjúkrahúsinu.
Ýmsar spurningar brunnu á Lucasi. Hafði Hailey talið einhvern á að hjálpa sér að fara þegar hún vaknaði? Það var hugsanlegt. Síðast þegar Lucas sá Hailey með rænu hafði hún verið næstum fullgengin með barn þeirra
og á flótta. Ekki bara frá náunganum, sem elti hana, heldur líka frá honum.
Að lokum hafði hann fundið hana, meðvitundarlausa í bílflaki. Hún hafði ekið á tré og grein stungist gegnum framrúðuna og veitt Hailey slæman höfuðáverka. Hún hafði einnig verið með fölsuð skilríki og svo mikið reiðufé að ljóst var að hún hafði ætlað sér að stinga af.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ógn framtíðar
Drury stöðvaði bílinn, dró upp byssuna og reyndi að sjá náungann í gegnum myrkrið og regnið. Ekkert sást. En Drury vissi að hann var þarna.
–Ég er Drury Ryland, lögreglufulltrúi, kallaði hann. –Gakktu fram svo að ég geti séð þig.
Það gerði náunginn ekki, heldur hleypti hann af einu skoti. Áður en Drury gat brugðist við hafði kúlan hæft framrúðuna.
Næstu tvö skot fóru beint í bílvélina. Annað þeirra hlaut að hafa hitt vatnskassann, þar sem gufa tók að stíga upp í loftið.
Drury bölvaði. Þar fór útgönguleiðin. Ef hann hefði viljað flýja, sem hann gerði ekki. Hann vildi finna þennan hálfvita og láta hann borga fyrir stofna til skotbardaga á landareign sinni.
Þar sem skothljóðin höfðu eflaust vakið frændfólk hans og bræður sendi Drury fljótleg textaskilaboð til eins af frændum sínum, Grayson Ryland lögreglustjóra, og bað um hjálp. Hins vegar vonaði Drury að hann myndi klára málið löngu áður en
hjálpin myndi berast.
Drury reif upp bílhurðina og notaði hana til að skýla sér á meðan hann miðaði á skuggaveruna, sem gægðist annað veifið fyrir hornið á bílskúrnum.
Hann varð að ná góðu skoti, því að Drury vildi ekki að skotið endurkastaðist og hitti hugsanlega vinnumann á búgarðinum eða einhvern í nálægum húsum.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Barnsránið
Eitthvað var öðruvísi en það átti að vera.
Holden Ryland, lögreglumaður í bandarísku alríkislögreglunni, þurfti ekki að treysta innsæi sínu sem lögreglumaður til að vita það. Það var dimmt í húsinu að undanskildu einu daufu ljósi í stofunni. Eigandinn, Nicky Hart, þoldi ekki myrkur og þegar hún var heima voru yfirleitt öll ljós kveikt.
Annað hvort hafði hún ætlað að sleppa spjallinu þeirra eða... Holden ákvað að halda sig við þá skýringu því hún var skárri en hin.
Það var ástæða fyrir því að þau þurftu að tala saman.
Ekki góð ástæða.
Holden lagði höndina á byssuna í hulstrinu og steig út úr bílnum. Hann var kominn nokkur skref þegar hvíta kisan hennar kom þjótandi undan veröndinni. Hún kom beint til hans, vafði sig um fæturna á honum og mjálmaði.
Annað merki um að eitthvað var að.
Nicky hleypti kettinum aldrei út.
Var Nicky þá inni? Ef hún var inni, hafði þá eitthvað komið fyrir hana? Holden blótaði sjálfum sér fyrir að hafa ekki laumast að húsinu. Þá hefði hann lagt lengra í burtu, læðst meðfram húsinu og litið inn um glugga. Ná grannarnir hefðu kannski séð það en það var betra en sumt af því sem honum datt í hug núna. Hann hafði ekki gripið til þessarar var úðarráðstöfunar af því að hann hafði ekki reiknað með að lenda í vandræðum.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Heimaslóðir
Ekki síst ef haft var í huga hvernig og hvers vegna Emmett hafði dáið.
Landon vissi hvernig hann hafði verið myrtur, en ástæðan olli því að hann lá oft andvaka á nóttunni. Morðinginn skyldi hins vegar fá að þola ýmislegt verra en andvökunætur, svo mikið var víst.
Hann horfði út undan sér á einhvern sem nálgaðist hann. Svipurinn á Landon var ekki beinlínis vingjarnlegur, svo að fólk hafði haldið sig í hæfilegri fjarlægð... þar til nú.
Hann var á varðbergi og taugaspenntur svo að hann tók um byssuskeftið, en ekki reyndist þörf á að grípa til vopna. Maðurinn var Grayson Ryland, lögreglustjóri og frændi Landons.
En Grayson var líka nýi yfirmaðurinn hans Rylands.
Blekið var varla þornað á samningi Landons við lögreglustjóraembættið, en hann var nýjasti vörður laganna í Silver Creek. Hann var sömuleiðis nýjasti íbúi Silver Creek-búgarðsins og dvaldist í gestabústaðnum þar til hann fyndi hentuga íbúð. Landon hefði gjarnan viljað að hann hefði komið heim undir betri og skemmtilegri kringumstæðum.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Öll sund lokuð
–Það var gaman að sjá ykkur. Góða nótt.
Síðustu afmælisgestirnir veifuðu úr bílum sínum.
Tracey Cassidy stóð í dyrunum og veifaði í kveðjuskyni til fólks sem hún þekkti naumast.
Tvö pör af smáhandleggjum héldu um lærin á henni. Fjögurra og hálfs árs gamlir eigendurnir kreistu þau og rumdu af áreynslu.
–Af hverju eruð þið á fótum ennþá? Ég kyssti ykkur góða nótt fyrir þremur tímum.
–Til hamingju með afmælið, sögðu tvíburarnir báðir í einu.
Jackson og Sage flissuðu, en gleðin varð skammvinn. Skyndilega heyrðist brothljóð úr eldhúsinu. Svipur beggja lýsti í senn undrun og fullvissu yfir því að pabbi þeirra hefði komið sér í meiri háttar vandræði.
–Nú fær pabbi að kenna á því, sagði Sage og kinkaði kolli svo að brúnu lokkarnir hennar dingluðu til og frá.
–Fljót. Tracy klappaði þeim á bossann og benti á dyrnar. –Farið upp áður en majórinn gómar ykkur. Þið vitið að þið fáið viðbótarhúsverk ef til ykkar sést hérna niðri.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Byssubrandur
–Tilvonandi fyrrverandi eiginmaður þinn valdi sennilega þennan stað af því að hann veit að hér myndirðu aldrei borða, sagði Darren.
–Þú telur hitaeiningarnar, ekki síst núna þegar þú þarft að endurheimta línurnar. Fötin hennar voru enn sömu stærðar og þau sem hún hafði klæðst þegar þau hlupust á brott fyrir átta mánuðum. Raunar hafði hún verið í þessum fötum í óopinberu brúðkaupsferðinni þeirra til Parísar. –Það ætti enginn að geta neytt Sissy Jorgenson til að koma á svona stað, sagði Janna. –Þú ættir að biðja lögregluna um að sækja dótið þitt... og jafnvel köttinn. Pabbi Xanders á lögregluna. Fór það í taugarnar á henni að þau skyldu tala eins og þau skildu hvernig lífi hún hafði
lifað áður en hún giftist? Hún hafði verið fyrirsæta á unglingsárunum og síðan gift inn í glæpaklíku. Þau gátu ekki gert sér það í hugarlund. Þeim þótti heillandi að skipta um stað í hverri viku, dvelja á hverju hótelinu á fætur öðru, ferðast og skemmta sér sýknt og heilagt. Jafnvel gleðskapurinn varð leiðigjarn. Sömu fésin kvöld eftir kvöld. Engir afslöppunardagar fyrir framan sjónvarpið, enginn lærdómur, engin skyndipöntun á pitsu og bjór. Engin stökk út í búð að kaupa mjólk og brauð, sem voru hvort eð er aldrei á matseðlinum.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók.
Verð á rafbókVerð á rafbókmeð VSK995 kr. -
Vernd
Hægri handar högg, undir höku, tvö högg í rifbeinin. Hann varðist þeim öllum og hörfaði. Hann var óvopnaður, hafði farið í einkaveisluna sem einn af þjónunum. Hvar voru öryggisverðirnir eða mennirnir á neðri hæðinni? Hafði enginn heyrt skotin? Fleiri öskur. Gegnum lokuðu hurðina við stigapallinn. Hann velti sér á þykku gólfteppinu, barðist við að losa sig. Hann hafði verið á leiðinni í þetta herbergi með sangria á bakka þegar hann heyrði skotunum hleypt af innar í húsinu. Hann hafði sent yfirmanni sínum skilaboð um skotin. Hann hafði engan með sér núna en hvar voru menn Tenoreno? Glösin þrjú voru mölbrotin á hvíta gólfteppinu og rauðir blettir í kring. Ef hann kæmist til dyra... –Heyrðu maður, það er einhver í vandræðum. Af hverju vildi þessi öryggisvörður ekki leyfa honum að komast til kvennanna? Hann náði að slæma hnénu upp undir hökuna á manninum. Augun ranghvolfdust og maðurinn hneig niður. Spark í kjálkann tryggði að hann var meðvitundarlaus. Tvö skothljóð bak við lokuðu hurðina. Nístandi óp. Hann leitaði að vopni á manninum á gólfinu. Ekkert. Lykill að hurðinni í síðasta vasanum. Hann stakk lyklinum í skrána, sneri og ruddist inn.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók.
Verð á rafbókVerð á rafbókmeð VSK900 kr.
Gefðu rómantík
Sendu okkur ástarbréf
Skráðu þig á póstlista