Rödd hennar titraði af kvíða, sem var skiljanlegt því hún var í þann veginn að eignast sitt fyrsta barn. Af einhverjum óskiljanlegum ástæðum höfðu Misty og Clinton ákveðið að fara í torfæruakstur og höfðu fest bílinn í gömlum árfarvegi sem var blautur eftir nýlega snjóbráð. Veðrið var ekki slæmt, miðað við að nóvember var byrjaður, en myrkrið var að nálgast. Með því kæmi meiri kuldi.

Olivia Loughton var köld og ein, á ráfi um dimmar götur Denver. Kaldur nóvembervindur reif í síðustu gulu laufin sem héngu á greinum og hún þurfti að halda peysunni að sér því rennilásinn var ónýtur. Dökkbláu peysuna hafði hún fundið í óskilamunum sjúkrahússins. Hún hafði skilið blóðugu úlpuna eftir.Hún gat ekki skilið minningarnar jafn auðveldlega við sig. Með hræðilegum smáatriðum mundi hún eftir bílslysinu í fjöllunum.

Því fyrr sem þessari rannsókn lyki, þeim mun betra. Eftir átta mánaða starf var Brady Masters alríkislögreglumaður að því kominn að missa þolinmæðina. Hann þráði að komast aftur til Quantico og hafði úr eigin vasa greitt fyrir sæti í leiguflugi frá Albequerque til flugvallarins í Grand-sýslu skammt frá Granby í Colorado.Hann laut höfði meðan hann gekk út úr litlu flugvélinni og niður á flughlaðið.

Sum börn koma snögglega í heiminn með spörkum og öskrum. Önnur taka andköf. Svo eru börn sem opna faðminn og ná taki á manni. Hvert ungbarn er einstakt. Hver fæðing kraftaverk.Rachel Devon naut þess að vera ljósmóðir.Hún brosti til nýfædda barnsins í fangi sér. Litla stúlkan, sem var bara tveggja stunda gömul, starði á vetrarsólina fyrir utan gluggann. Hvað skyldi hún verða þegar hún yrði stór? Hvert myndi hún ferðast? Fyndi hún ástina? Gangi þér vel, litla stúlka. Ég er enn að leita.

Fimm árum eftir dauða eiginmanns síns, ímyndaði Tess Donovan sér stundum enn að hún heyrði hlátur hans í mannmergð. Þegar hún sá landgönguliða í bláum einkennisbúningi, mundi hún hvernig Joe hafði staðið í réttstöðu... svo myndarlegur, með fullkominn vangasvip og laglegan krokk. Ef hann hefði ekki verið í svona mörgum leyniaðgerðum, hefði verið hægt að nota andlit hans á veggspjöld í innritunarskrifstofum hersins.

Tom Hawthorne skellti hurð Toyota-jeppans, skellti henni fast. Af hverju í fjandanum hafði hann ákveðið að stytta sér leið í stað þess að halda sig á þjóðveginum? Það var komið langt fram á kvöld og hann var fastur á hlykkjóttum malarvegi í dal. Engir aðrir bílar. Enginn kofi sjáanlegur. Aðeins stjörnurnar urðu vitni að reiði hans. –Fjandakornið.

Það var óreiða á skrifborðinu á heimaskrifstofu Rays Jantzen... óopnaður ruslpóstur, bækur, hlaupaskór með slitna reim, möppur, rannsóknargögn fyrir ritgerð sem hann hafði birt í American Journal of Psychiatry og... byssa. Á bak við tímaritastafla fann hann innrammaða mynd af konu sinni heitinni, Annie, og syni þeirra, Blake.

Litli, skítugi glugginn við hliðina á útidyrahurðinni hleypti örlítilli skímu í gegn í þverrandi dagsbirtunni. Þetta var sjö­undi dagurinn sem hún hafði verið innilokuð. Nicole Carlisle lá samanhnipruð á þunnri dýnunni í kjallaraholunni og starði á birtuslitrið skjálfandi af kulda í nöprum kuldanum sem lagði frá veggjunum. Fljótlega færi að snjóa. Jólin nálguðust á búgarðinum.