Flýtilyklar
HETJURNAR
-
Myrkraverk
Hvort sem Melinda McIntosh sá Boyd Chaney á förnum vegi eða í fréttum þá eyðilagði það alltaf daginn hennar. Því miður sá hún hann sífellt oftar eftir að hann var kosinn lögreglustjóri. Fullkomið dæmi var um morguninn. Hún sat við morgunverðarborðið og opnaði blaðið og það fyrsta sem hún sá var stór mynd af honum á forsíðunni. Auðvitað var hann ekki settur á blaðsíðu fjögur. Eftir að hann vann kosningarnar þá ákvað hann að hann væri talsmaður lögregluembættisins. Fréttamennirnir átu upp hvert einasta orð sem hann sagði. Hann var yfirleitt í fréttum vegna þess að hann var að tjá sig um atburði í Oregon sýslu. Kannski voru þau svona hrifin af honum vegna þess að hann var svo fjandi ógnandi. Eða hversu herðabreiður, hávaxinn og grannur hann var, eins og hverjum fyrrverandi herlögreglumanni sæmdi. Jafnvel þung augnlokin og glott voru kynæsandi án þess að draga úr valdinu sem hann hafði. Hann var kosinn þó svo að hann hefði bara búið þarna í fimm ár og var ekki með neinn bakgrunn í löggæslu. En hann átti líka stærsta hesta- og kúabúgarðinn á þessu svæði og hafði þjónað landi sínu. Hann bar dökkgræna lögregluhattinn eins og hann væri fæddur í það hlutverk. Melinda áttaði sig á því að hún greip svo fast um stýrið að hana var farið að verkja í hendurnar. Hún var að keyra aftur til Sadler eftir að hafa
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Í ólgusjó
Claire Holland opnaði tjaldið sitt varlega til þess að kíkja út. Það leit ekki út fyrir að það myndi rigna en eftir tvo daga í þoku þá var hún til í þurra og hlýja daga. Hún og félagi hennar, Mike Maguire, ákváðu að fara með fram vesturströndinni hjá Bresku Kólumbíu í Kanada. Þessi ferð hafði verið þægileg áskorun fyrir kajak ræðara eins og þau. Eftir að hafa barist við mótvind og öldur deginum áður þá var hún fegin að þau hafi fundið góðan áningarstað. Hún virti útsýnið fyrir sér og sólin skein í augu hennar. Útsýnið var yndislegt eins og það hafði verið meirihlutann af ferðinni. Tré voru í kringum tjaldið þeirra og svo sá hún litla hólma úr grjóti og þeir mynduðu litlar sprænur sem hægt var að sigla eftir. Loftið var salt en hún fann lyktina af trjánum í kring. Mike skreið út úr tjaldinu og gretti sig þegar hann teygði sig. –Vá. Við ættum kannski að stoppa hérna í tvær vikur. Við þurfum ekkert að segja fólki að við höfum ekki náð að komast til Goose Island. Hún hló. –Eigum við ekki að minnsta kosti að drolla aðeins? Það var það sem þau gerðu. Þau biðu eftir að það flæddi að svo þau þyrftu ekki að dröslast
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Fjallahótelið
Leah Keaton sleppti bensíngjöfinni of seint til að koma í veg fyrir að hægra framdekkið skylli ofan í myndarlegan pytt með háum dynk. Hún gretti sig. Vegurinn um þéttan skóginn varð sífellt brattari og mjórri. Rætur risavaxinna döglings-, greni- og sedrustrjáa sprengdu malbikið og bjuggu til hressilegar ójöfnur. Stundum strukust langar og fléttum prýddar greinarnar við bílinn hennar. Í vegkantinum uxu þykkir burknar og berjarunnar. Ef til vill hafði móðir hennar hitt naglann á höfuðið. Kannski var þetta tilgangslaust og jafnvel óráðlegt ferðalag. Leah vonaði bara að hún hefði ekki tekið vitlausa beygju einhvers staðar. Í minningunni stóð útskorið tréskilti við afleggjarann að fábrotna fjallahótelinu sem afabróðir hennar hafði reist í Fossafjöllum skammt frá landamærum Bandaríkjanna og Kanada. Hún varð að minnast þess að þetta var í rauninni regnskógur og viður fúnaði því hratt. Eftir að skiltið féll hefðu mosi og lággróður hulið það á fáeinum vikum. Hún losaði ofurlítið um takið á stýrinu og kom auga á Bakerfjall fyrir ofan trjátoppana.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Á veiðum
–Það er ástæða fyrir því að ég fór snemma á eftirlaun, tautaði Glenn um leið og hún gekk burt. Lindsay skildi hann vel. Félagsráðgjafar kulnuðu fljótt og hratt í starfi, einkum þeir sem voru í fremstu víglínu. Kannski var tímabært fyrir hana að huga að því að skipta um starf og fá sér vinnu þar sem hún þurfti ekki að horfa upp á börn með fjólubláa marbletti, glóðaraugu og skörð í munni þar sem hnefar höfðu slegið úr þeim tennurnar eða ungar stúlkur sem geymdu hræðileg leyndarmál. Hún botnaði ekkert í því að Glenn skyldi hafa þraukað í öll þessi ár. Hún dáði hann og var fegin því að hann skyldi enn koma við á skrifstofunni annað slagið þó að hann væri hættur að vinna til þess að heilsa upp á fólkið og styðja þau sem voru sérlega gröm eða beygð. Þegar hún var komin á spítalann hélt hún beinustu leið að slysadeildinni, þar sem hún fékk að hitta Shane. Margoft hafði hún séð börn og unglinga sem voru illa á sig komin eftir barsmíðar, en áfallið var engu að síður það sama í hvert skipti. Andlitið á Shane var svo bólgið og marglitt að hún ætlaði ekki að þekkja hann. En þrátt fyrir áverkana og þjáningarnar brosti hann við henni. Hann virti hana fyrir sér með auganu sem hann gat enn opnað. –Ungfrú Engle? –Shane, sagði hún og gekk að rúminu. Hún var að því komin að taka í höndina á honum en sá þá að hún var þakin umbúðum. –Mér þykir þetta voðalega leitt. Mér datt ekki í hug að þetta gæti gerst. –Mér að kenna, muldraði hann. –Ég hélt bara… Hann þurfti ekki að ljúka setningunni. Lindsay vissi hvað hann ætlaði að segja. Eins og fleiri hafði hann haldið að föðurbróðirinn væri góður maður.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Nauðlending
–Í þessu? Maddy Cane snarstansaði eins og hestur sem skyndilega rekur augun í eitursnák beint fyrir framan sig. Henni leist alls ekki á blikuna. –Ætlar þú að segja mér að meiningin sé að fljúga í þessu þvert yfir ríkið. Vissulega hafði hún veitt því athygli að flugvöllurinn var lítill en samt átti hún ekki von á einhverri smá rellu. Hún hafði búið í smábænum Republic í austurhluta Washington ríkis í heilt ár og hún vissi svo sem vel að hún myndi ekki fljúga með Boeing 767. Hér var einungis þessi eini litli flugvöllur með aðeins einni flugbraut og fáeinum litlum flugskýlum. Sjálf hafði hún aldrei flogið með minni flugvél en Boeing 737 sem hún taldi að væri minnsta Boeing tegundin. En þessi smá Cessna var ekkert annað en örlítið fis, reyndar með farþegarými. Maðurinn við hlið hennar skellti upp úr. Þetta var Scott Rankin dómarafulltrúi. Hann hafði verið henni til halds og trausts í gegnum alla þessa þrekraun. Nógu slæmt var að verða vitni að morði og liggja í hnipri aðeins fáein fet frá morðstaðnum en afleiðingar þess að hún hringdi í neyðarlínuna og greindi skilmerkilega frá öllu sem hún hafði séð komu henni í opna skjöldu. Nú voru liðnir
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Launung
Án bókanna hefði stofan verið dálítið kuldaleg ásýndum. Þar voru nefnilega engin listaverk. Kannski var þetta leiguhúsnæði. Þá vildi konan kannski síður bora í veggina. En á arinhillunni hefði hann átt von á að sjá innrammaðar myndir eða einhverja skrautmuni. Hann hristi höfuðið og gekk að eldhúsdyrunum. Þar nam hann staðar, virti líkið fyrir sér og litaðist um. Ekkert benti til þess að átök hefðu átt sér stað. Líklega hafði fórnarlambið staðið í eldhúsinu, heyrt eitthvað og ætlað að snúa sér við en þá fengið mikið högg á höfuðið. Konan hafði látist samstundis og hnigið niður. Hann settist á hækjur sér hjá líkinu og tók þá eftir óhreinindabletti á hvítu blússunni. Hann stakk í stúf við klæðnaðinn. Þetta var áreiðanlega vinnufatnaður hvítflibbakonu. Hún var í aðskorinni blússu, jakka, svörtu pilsi, háhælaskóm og sokkabuxum. Gljáandi svört handtaska lá á eldhúsborðinu og við hlið hennar farsími. Hafði morðinginn sparkað í konuna að verki loknu? Hann setti á sig einnota hanska í hvelli, opnaði handtöskuna gætilega og tók þaðan seðlaveski. Þar blasti við honum ökuskírteini í glærum plastvasa. Ljósmyndin virtist vera af hinni látnu. Seth skoðaði skírteinið vandlega. Konan hét Andrea Sloan, var dökkhærð með brún augu, í meðallagi há, þrjátíu og sex ára gömul og vildi gefa líffæri að sér látinni. Það var einum of seint í rassinn gripið. Hann setti veskið aftur í töskuna og virti fyrir sér andlit konunnar. Af hverju hafði Andrea Sloan verið myrt? Og af hverju þarna, heima hjá annarri konu? Höfðu þær ef til vill þekkst? Var þetta vinkona eða systir húsráðandans sem hafði komið að henni látinni?
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lögreglustjórinn
–Já. –Gætir þú sagt mér hvar? Eða sýnt mér? Hún reyndi að bæra varirnar. –Fáðu þér vatnssopa. Hún fékk sér vænan sopa. Síðan snerti hún höfuðið og öxlina og fann þykkar umbúðir. Loks snerti hún bringuna… engar umbúðir þar en samt fann hún til. –Gott, sagði hann og virtist sáttur. Hún varð að einbeita sér til þess að greina andlitsdrætti hans. Hann virtist hár og grannur og aðeins byrjaður að grána í vöngum. –Hvers vegna er ég hér? –Manstu hvað gerðist? Abbí gerði þau mistök að hrista höfuðið og verkurinn ágerðist um helming. Hún stundi við. Hann hallaði sér ögn nær henni. –Hérna er hnappur sem þú getur þrýst á til þess að fá meiri verkjalyf. Hann sagði eitthvað fleira en hún veitti því enga athygli því hún þrýsti umsvifalaust á hnappinn og fann hvernig sársaukinn dvínaði hægt og rólega. Síðan þrýsti hún aftur og þá loks mundi hún spurningu hans. –Nei. –Hvað er það síðasta sem þú manst? Hún varð að einbeita sér. –Þvottahúsið, niðri í kjallara í húsinu þar sem ég bý. Einhver hafði troðið sér fram fyrir mig til þess að komast í þurrkarann. Hann glotti. –Ég myndi líka muna eftir svoleiðis. –Félagi minn, Neal, hafði áhyggjur af einhverju. Abbí hafði hlotið stöðuhækkun fyrir ári þegar hún varð rannsóknarlögreglumaður hjá lögregluembættinu í Kansas City, Missouri. Neal Walker varð hennar nánasti starfsfélagi. Þau tvö náðu mjög vel saman og Abbí og eiginkona hans höfðu meira að
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lykilvitnið
–Eigum við að hafa kremið hvítt? Trina Marr var nú þegar búin að hræra rjómaostakremið sem átti að fara á bollakökurnar sem lágu og kólnuðu á ofngrindinni. –Ég gæti átt eitthvað sykurskraut, látum okkur sjá. Grænt? Rautt? Eða ef við notum bara smá rauðan, þá verður það bleikt? Litla stelpan sem horfði upp til hennar kinkaði kollinum ákaft. Tíkarspenarnir sem höfðu verið settir í hárið á henni í byrjun dags voru orðnir skakkir. –Bleikt? Aftur jánkaði hún. Trina var orðin vön þöglum svörunum. Sem sálfræðingur sérhæfði Katrina Marr sig í vinnu með börnum með áfallastreituröskun. Hin þriggja ára Chloe Keif hafði í upphafi verið einn af sjúklingum hennar en var í dag fósturdóttir hennar. Chloe talaði ekki enn, en hún var afslappaðri með Trinu en nokkrum öðrum. Bæði ein af frænkum hennar og afi hennar og amma höfðu ekki treyst sér til að taka við Chloe vegna vandamálanna sem hún átti við að stríða. Það að bjóðast til að taka hana að sér hafði virst sjálfsagt skref fyrir Trinu, þó þetta væri í fyrsta skiptið sem hún tæki skjólstæðing að sér
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hættulegur leikur
Hann skildi vel skuldbindingu í starfi og fjölskyldu, hafði lokið við menntun sína og unnið í sex ár fyrir strandgæsluna. Þetta orð minnti hann þó of mikið á þrjár eldri systur sínar og hvernig þær reyndu stöðugt að koma einhverjum konum á hann. Þær notuðu orð eins og stöðugleika, hughreystingu, börn. Eins og þeirra eigin börn væru ekki nóg til að halda öllum uppteknum. Þetta var bölvun þess að vera yngsta barnið og eini strákurinn í fjölskyldunni, hugsaði hann. Hann elskaði þær allar og var þakklátur fyrir það að hæfni hans og starf höfðu sett eins konar höggpúða á milli þeirra. Strandgæslan hafði hentað honum vel og ekki einu sinni systur hans höfðu vogað sér að tala illa um starfsval hans. Nú töldu þær að hann væri í venjulegri dagvinnu í DC og reyndu alltaf að koma honum á blind stefnumót þegar hann kom í heimsókn heim, í von um að einhver krækti í hann og fengi hann til að flytja nær heimahögunum. Þær virtust ekki láta hans eigin óskir trufla sig. Hann var þrítugur og ekki tilbúinn í eiginkonu og börn. Hann var ánægður með spennuna sem fylgdi því að vera Sérfræðingur hjá úrvalsliði Thomas Casey. Hann vissi að það að fara út og gera hluti sem skiptu máli í heiminum útilokaði ekki sambönd... margir Sér fræðingar voru trúlofaðir eða kvæntir... en það var samt erfiðara að búa til eitthvað varanlegt. Hann var ekki tilbúinn í það. Ekki enn. Það var nægur tími til að finna réttu konuna.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók.
Verð á rafbókVerð á rafbókmeð VSK900 kr. -
Heiður og vernd
Addison leit á bensínmælinn og reiknaði hratt út hve langt hún kæmist frá þeim sem voru að elta hana. Glænýi BMW-inn hennar hefði komið sér vel núna en þess í stað var hún á gömlum Land Rover sem hún kunni lítið á. Var ekki stærðfræði til þess? Þessu skyldi hún muna eftir næst þegar sonur hennar kvartaði yfir heimalærdómnum. –Mamma, hvað er langt eftir? Hún þekkti þennan raddblæ. Hann var við það að kvarta en ekki yfir stærðfræði. Hún leit í baksýnisspegilinn og brosti til sonar síns. Hárið á honum ljómaði þar sem sólin skein á það en svipurinn gaf til kynna að stutt væri í uppreisn. Hún skildi það vel. Þau höfðu verið á ferðinni í tvo daga og áttu annan dag eftir. Eða meira. –Við stönsum eftir svona hálftíma. –Ég þarf að pissa núna. –Þú verður að halda í þér í nokkrar mínútur. –Hálftími er þrjátíu mínútur. Nokkrar mínútur eru bara svona þrjár. Addison varð ekki stolt sem móðir við að heyra
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók.
Verð á rafbókVerð á rafbókmeð VSK900 kr.
Gefðu rómantík
Sendu okkur ástarbréf
Skráðu þig á póstlista