Flýtilyklar
Carol Ericson
-
Óþekkta konan
Lykt af brenndu gúmmíi fyllti vitin og hún hrökk upp, höfuðið rykktist upp og sársaukinn í því var skerandi.
Augun opnuðust snögglega og hún deplaði þeim þegar hún sá tré á hvolfi.
Hún beit á jaxlinn þegar hún heyrði hjól snúast hratt með ískrandi hljóði. Henni var illt í kjálkanum.
Sætisbeltið grófst inn í hálsinn og hún renndi hendinni niður á við til að toga í það. Svo færðust fingurnir löturhægt á höfuðið, ofan við gagnaugað, þar sem henni var dauðillt. Fingurgómarnir runnu yfir klístrað hár.
Hún dró höndina að sér og hélt henni fyrir framan andlitið og reyndi að einbeita sér að rauðu röndunum eftir handleggnum.
Blóð. Úr henni.
Hún kyngdi, svelgdist á. Það hafði sína ókosti að hanga á hvolfi og hún fór að hlæja. Fólki sem hékk svona í tækjum í
skemmtigörðum hlaut að líða svipað... en hún var ekki í skemmtigarði.
Höndin strauk eftir beltinu að festingunni. Ef hún opnaði of snöggt myndi höfuðið á henni lenda á bílþakinu. Henni var nógu illt fyrir og þurfti ekki að meiða sig meira.
Hún studdi annarri hendinni á bílþakið og losaði beltið með hinni, líkaminn seig saman og hún valt á hliðina í fósturstellingu.
Hún þreifaði eftir hurðarhandfanginu og fann það en gat ekki opnað. Fingurnir fálmuðu eftir læsingunni og opnuðu hana, svoEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hættuleg braut
Emily hélt niðri í sér andanum þegar maðurinn með byssuna hallaði sér yfir leikgrindina og strauk byssuhlaupinu niður eftir samfellunni sem barnið var í.
–Sætur krakki. Varirnar svignuðu í eitthvað sem líktist brosi.
–Áttu hann?
Jaycee ætlaði að leggja af stað en stoppaði og bleytti varirnar.
Emily sagði við sjálfa sig. Svona nú Jaycee, gerðu það sem þú gerir best. Ljúgðu.
Jaycee spretti fingrum og sagði: –Meðleigjandinn minn á hann, ég er búin að segja henni að flytja út og taka krakkann
með sér.
Stærri maðurinn þarna inni, sem þurfti greinilega ekki að vera með byssu til að hræða fólk, gekk að glugganum þannig
að Emily sá hann ekki. –Ertu viss um að þú vitir ekki hvar kærastinn þinn er?
–Ég sagði þér að við Brett erum hætt saman, ég hef ekki hugmynd um hvar ræfillinn er niðurkominn.
Emily pírði augun og færði símann nær augunum til að sjá upptökuna betur. Var Jaycee að segja satt í þetta skipti?
Marcus Lanier, viðskiptavinur Emily, var viss um að Jaycee ætlaði að stinga af með Brett Fillmore og taka drenginn með
sér. Ef Brett var í vandræðum gagnvart þessum náungum var ólíklegt að Jacyee segði þeim hvar hann var.
Stærri maðurinn strauk yfir rakaðan kollinn þegar hann komEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hætta í aðsigi
Það skrjáfaði í snjóhvítu slörinu þegar April klifraði út um gluggann. Satínskórnir lentu með soghljóði í blautri leðju. Hún
kippti blúnduverkinu af höfðinu og stakk því bak við runna.
Hún dró andann djúpt og kíkti fyrir húshornið. Hárlokkarnir féllu yfir aðra öxlina. Það glampaði á langa eðalvagninn í
morgunsólinni í Nýju-Mexíkó og það fór hrollur um hana.
Núna minnti bíllinn meira á líkvagn... til að flytja hana. Hver sagði að Nýja-Mexíkó væri töfrandi?
Hún pírði augun og nagaði jarðarberjaglossið af vörunum.
Ef hún legði á flótta í bílnum væri hægt að rekja hann en hún gæti að minnsta kosti leyst aðalvandamálið þessa stundina, að hún átti enga peninga. Hún velti því fyrir sér hvort hún ætti að læðast inn í húsið og sækja handtöskuna sína en hún mat líf sitt of mikils til þess... það var þá allavega einhver sem gerði það.
Hún strauk niður eftir blúndunni á síðunni til að fullvissa sig um að skrýtna kringlótta merkið, sem hún hafði fundið í
skrifborðinu hjá Jimmy, væri þarna ennþá og dró svo farsímann upp hinu megin. Hún opnaði smáforrit fyrir farveitur og
brosti þegar hún sá litlu doppurnar á skjánum sem sýndu nærstadda bíla... bjargvættina hennar.
April pantaði bíl og rölti svo að hliðinu þó að hana dauðlangaði til að hlaupa af stað. Hún kæmist ekki óséð í burtu því
Jimmy var með öryggisverði á sínum snærum út um allt en það grunaði engan neitt ennþá. Hún gat leikið tilvonandi brúði í 10 mínútur í viðbót. Fjandinn hafi það, hún hafði látið eins og hún væri ástfangin af Jimmy undanfarið hálft ár.
Oscar, maðurinn sem sá um að gæta hliðsins framan við setrið, stökk á fætur. –Ertu nokkuð hætt við, April?
–Ég ætlaði bara að stelast til að reykja. Ég veit að Jimmy hatar sígarettur og ég er að reyna að ná nokkrum í viðbót áðurEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Í klóm dauðans
Hann staðnæmdist og drengurinn potaði með rifflinum í mjöðm hans. Hann benti á nokkra kofa í fjarska, reykur steig upp af þeim og fáeinar geitur voru bundnar fyrir utan þá. Hann spurði á tungumáli innfæddra, pashto, –Er þetta þorpið þitt?
Drengurinn svaraði með einu orðunum sem hann virtist kunna í ensku. –Þú deyrð núna, bandaríski hermaður.
–Allt í lagi, allt í lagi. Hann lyfti höndunum upp yfir höfuð sér.
–En þú mátt kalla mig Denver. Ég sagði þér það.
Drengurinn sló sér á brjóst. –Massoud.
–Ég veit, Massoud. Þakka þér fyrir að hjálpa mér niður fjallið.
Óhreinar kinnar drengsins roðnuðu lítillega og hann þaut framhjá hermanninum til að fagna geitunum. Hann strauk einni þeirra blíðlega undir hökunni og virtist gleyma fanganum sínum. –Heima hér.
–Einhver matur til? Denver rétti úr sér. Hann var glorhungraður og gat auðveldlega étið eina af þessum geitum, það er að segja ef fjölskylda Massouds dræpi hann ekki fyrst.
Massoud kinkaði kolli og beindi Denver inn í kofann, framhjá tjaldi sem virkaði sem útihurð.
Denver andvarpaði og losaði um sinn eigin riffil sem hann bar á bakinu og lagði hann upp að einum kofaveggnum. Hann hélt báðum handleggjum fast að líkama sínum. Fjölskylda Massouds varð að skilja að fyrst hann hafði ekki beitt þessu vopni á son þeirra hafði hann alls ekki í hyggju að beita því gegn þeim.
Hann varð að beygja sig inni í þessari dimmu og reykmettuðu vistarveru og honum vöknaði um augu. Stór pottur hékk yfir opnum eldi og í honum kraumaði kássa sem greinilega var mjög bragðsterk. Garnir hans gauluðu.
Lágvaxin kona stóð í hnypri yfir pottinum, hrærði í kássunni án þess að líta up.
Massoud ruddi einhverju úr sér á Pashto en Denver skildi ekkert af því nema orðið amerískur. En hvað sem hann sagði þá hafði það umsvifalaust áhrif á konuna.
Hún snarsnéri sér við frá pottinum með sleifina í annarri hendi svo lak af henni niður á moldargólfið. Hún veifaði sleifinni framanEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Liðsforinginn
Þegar hann sté í fótinn nísti sársaukinn ökklann á honum.
Hann læddist til hliðar og studdi sig við litla syllu í hamraveggnum. Yfirborðið var gróft og rispaði lófann. Hann saup
hveljur.
Hann settist á hækjur sér, rétti úr særða fætinum og virti fyrir sér grýtta víðáttuna fyrir neðan. Jafnvel þótt báðir fætur
væru í lagi og hann búinn að svala þorsta sínum og seðja hungur sitt væri þetta land erfitt yfirferðar. Vatnsþurfi, sársvangur og með meiddan fót átti hann ekki minnstu möguleika.
Hann virti fyrir sér gráan himininn, skýin og regnið sem var yfirvofandi og yrði í senn frelsun og ögrun. Hann staulaðist eftir grýttri jörðinni sem var þakin mold. Þegar rigningin skylli á myndi moldinni skola burt. Til yrði mórauður lækur og slóðin niður fjallshlíðina yrði hál og hættuleg.
Hann hafði þegar séð einn manna sinna kútveltast niður hlíðina. Hafði Knight lifað fallið af? Hann reiknaði með því,
enda var hann vaskur Delta-hermaður. En jafnvel þótt Asher hefði komist af hefðu mennirnir, sem sviku þá, tekið hann af lífi.
Þeir hefðu aldrei farið að skilja eftir vitni á lífi.
Hann dró andann djúpt og strauk sér um munninn með handarbakinu. –Hélstu virkilega að það yrði auðvelt að láta
sig hverfa í Afganistan á miðju óvinasvæði, Denver?Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Óvæntur lífvörður
Einn herlögreglumaðurinn hrópaði: –Gefðu þig fram, gefðu þig fram, hvar sem þú ert.
Rex ranghvolfdi augunum. Ef þessi hermaður væri hluti af sérsveit hans hefði hann heldur betur fengið skömm í hattinn fyrir svona framkomu. Margoft hafði Rex orðið að taka Cam Sutton til bæna fyrir óvarkára framkomu en hann var einn af yngri meðlimum sésveitarinnar.
Einhver hvíslaði í áminningartón í myrkrinu.
Ungi hermaðurinn svaraði: –Mér er sama, þetta getur ekki staðist. Denver, majór er ekki svikari.
Rex taldi að hann nyti trausts flestallra hermannanna sem þekktu vel til orðspors hans en sönnunargögnin gegn honum
voru yfirþyrmandi. Af hverju hann? Hann og menn hans hlutu að hafa rekist á eitthvað meiri háttar fyrst það var svo nauðsynlegt að koma þeim fyrir kattarnef. Og hann vonaðist til þess að fá nægan tíma til að komast að því.
Trjágrein brotnaði á hægri hönd hans og Rex snéri sér í átt að henni. Það glampaði á eitthvað í þéttum skóginum. Hann greip til næturkíkisins og sá mann á fjórum fótum sem fylgdist vandlega með herlögreglumönnunum fyrir neðan.
Adrenalínið flæddi um líkama hans og hjartað sló örar. Voru þeir fleiri? Hann skannaði svæðið í kring um þennan eina. Ef hann var ekki aleinn þá voru hinir ennþá víðs fjarri og nógu fjarri til þess að herlögreglumennirnir myndu hafa nægan tíma til að bregðast við árás.
Rex gat ekki drepið þennan óvin hljóðlega og lögreglumennirnir yrðu snöggir að umkringja hann ef hann reyndi að drepa hann.
Hann leit aftur fyrir sig og kannaði fallið að baki honum.
Hann hafði séð það svartara.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Grunuð um glæp
Hún starði á dána manninn og var með ákafan höfuðverk.
Maðurinn var áreiðanlega dáinn. Hún horfði á brjóstið á honum og beið þess að sjá það rísa og hníga. En ekkert gerðist.
Þurr froða loddi við varir hans, höku og skegg eins og næfurþunnur köngulóarvefur. Opin, blóðhlaupin augun minntu á undrandi persónu í teiknimynd.
Hún skoðaði teppið í kringum líkið. Þar var hvorki að sjá blóð né vopn, einungis vatnsflösku sem lá á hliðinni. Um fjórðungur innihaldsins var enn í henni.
Hún settist á hækjur sér og neri á sér gagnaugun. Mikið óskaplega var henni illt í höfðinu.
Hvað hafði gerst í þessu ódýra mótelherbergi? Hver var þessi maður?
Og hver var hún?
Hún fékk kökk í hálsinn. Þessi spurning hafði vaknað og valdið henni skelfingu þegar hún rankaði við sér þar sem hún
lá skáhallt á rúminu, fullklædd. Það var áður en hún sá manninn á gólfinu. Hún hafði gleymt vandamálinu þegar hún kom
auga á líkið, en algert minnisleysi var ekki hægt að hundsa mjög lengi.
Einhvers staðar hlaut að finnast vísbending um það hver hún væri.
Hún stóð upp og litaðist um. Lampinn lá á hvolfi, tveggja manna rúmið var í óreiðu og fyrir ofan gaflinn hékk brotin
mynd.
Sá látni hafði ekki gefist upp baráttulaust. En við hvern hafði hann barist? Hana? Hafði hún drepið manninn eftir átök?Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Endurlausn
–Halló, er einhver þarna? kallaði hún.
Ekki átti hún svo sem von á svari og einu viðbrögðin sem hún fékk voru frá vindinum, sem blés og gnauðaði og bærði
greinar trjánna.
Hún andvarpaði og gekk aftur heim að húsinu. Áður en hún sté yfir þröskuldinn og lokaði dyrunum leit hún um öxl, en varð einskis vör.
Lokan stóð á sér þegar hún reyndi að smella henni. Eftir fjórar tilraunir gafst hún upp.
Amma hennar hafði viljað setja upp þessa loku, en Scarlett hafði ekki notað hana í mörg ár. Nú þurfti hún á henni að
halda, en árans draslið var trúlega ryðgað eða sat fast. Hún yrði að kaupa nýja.
Hún dró fyrir gluggann að nýju og settist við arininn, þar sem notalegur eldur bauð hana velkomna.
Fimm mínútum síðar, þegar hún hafði komið sér vel fyrir með bók í hendi, var barið hraustlega að dyrum.
Henni varð hverft við og hjartað fór á fleygiferð.
Hún fór til dyra með skörunginn í annarri hendinni og farsímann í hinni, jafnvel þótt farsímasamband væri ekki á
staðnum.
Hún hrökk í kút þegar knúið var dyra í annað sinn.
Hvers vegna í fjandanum hafði hún ekki látið gera gægjugat á útidyrahurðina fyrir löngu?
Hún dró tjaldið ofurlítið frá glugganum við dyrnar og rýndi út á pallinn. Úti stóð stór og mikill maður. Henni leist ekki á
blikunaEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ráðgáta
Henni hafði tekist að sannfæra Scott, framleiðanda þáttanna Óleystar ráðgátur um að hún þyrfti að fara á undan tæknimönnunum til að ræða við væntanlega viðmælendur og rannsaka gögn. Hún ætti sjálf kvikmyndavél og gæti því unnið dálítið sjálf áður en tökumaðurinn Joel kæmi á vettvang.
Þættirnir voru geysivinsælir og Scott því tilbúinn að gera næstum hvað sem vera skyldi fyrir Beth. Og það var svo sem
engin lygi að hún þurfti að sinna talverðri forvinnu áður en tæknimennirnir kæmu.
Það skrjáfaði í trjánum í kringum hana. Hún stansaði, hallaði undir flatt og lagði við hlustir. Ef til vill hefði hún átt að
kanna dýralífið í skóginum áður en hún anaði inn í hann. Voru birnir á þessum slóðum í norðvesturríkjunum? Eða kannski úlfar? Varla tígrar, þó.
Þegar hún hélt áfram brakaði og skrjáfaði í laufunum fyrir aftan hana, einum of nálægt fyrir hennar smekk, og hún snarstansaði á nýjan leik. Hárin aftan á hálsinum á henni risu. Hún skalf og gamall ótti gaus upp á ný.
Hún leit um öxl og varpaði öndinni léttar. Karlmaður sem teymdi reiðhjól nam staðar og rak upp stór augu.
–Ungfrú?
Léttirinn hvarf um leið og hún virti manninn fyrir sér. Á honum var harðneskjusvipur manns sem afplánað hafði fangelsisdóm. Hún þekkti svipinn, enda hafði hún oft séð hann þegar hún var að vinna efni fyrir þáttinn sinn.
–Halló. Við maðurinn minn erum bara á göngu. Hann fór á undan.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Horfnu börnin
–Slepptu systur minni.
Litla stúlkan með dökku tíkarspenana yggldi sig og sté fast ofan á tána á grímuklædda manninum.
Hann kreisti á henni öxlina, en hún slapp úr greipum hans og réðst á hann á nýjan leik. Í þetta sinn barði hún hann í
lærin með litlu hnefunum sínum.
Níðingurinn urraði og sló telpuna utan undir svo að hún datt. –Þú ert bölvaður vandræðagripur.
Hann bar tvíburasystur hennar sofandi á öxlinni á sér og gekk að dyrunum. Þá réðst sú stutta á fæturna á honum.
–Slepptu henni!
Með lausu hendinni þrýsti ókunni maðurinn á hvirfilinn á henni og hélt henni þannig í skefjum. Um leið losnaði bleiki
borðinn af öðrum tíkarspenanum. Svo þeytti maðurinn telpunni í gólfið.
Hún brölti upp á hnén og neri á sér hnakkann. Hún mátti ekki leyfa manninum að fara með Kaylu burt. Þess vegna
skreið hún enn á ný í áttina að fótunum á honum.
–Foreldrar þínir munu óska þess að ég hefði tekið þig en ekki þessa, sagði hann og sparkaði í andlitið á henni. Þá varð
allt svart.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista