Flýtilyklar
Christine Rimmer
-
Jólakofinn
Alexandra Herrera hafði ekki hugmynd um að líf hennar væri að taka stakkaskiptum fyrr en hún opnaði spádómskökuna.
Alex var vinnusöm og metnaðargjörn kona á hraðri uppleið á lögmannsstofunni Kauffman, Judd og Tisdale
í Portland. Hún var að massa þetta og það vissu allir á stofunni.
Í janúar, eftir tvo mánuði, ætlaði einn meðeigandinn loksins að setjast í helgan stein. Alex tæki við stöðunni
hans. Aðeins þrjátíu og þriggja ára yrði hún meðal þeirra áhrifamestu í fyrirtækinu og myndi eiga hlut í því. Hún
hafði nefnilega aldrei haft áhuga á að vera meðeigandi án þess að eiga hlutabréf. Hún vildi fá allan pakkann, ekki
bara fínan titil. Hún vildi fá sinn hlut af völdunum og hagnaðinum og myndi öðlast það sem hún sóttist eftir. Í
því skyni hafði hún lagt gríðarlega hart að sér, nurlað og sparað til að geta borgað námslánin og keypt hlutabréfin.
Allt gekk henni í hag. Þó glímdi hún við svolítið vandamál. Það var ekki stórt en afskaplega þreytandi og að
undanförnu hafði það ekki látið hana í friði. Hún var alltaf að hugsa um föður sinn.
Fyrsta dag júnímánaðar, fyrir tæpu hálfu ári, hafði hinn áttatíu og þriggja ára gamli Leandro Herrera, sem
sagður var í fínu formi miðað við aldur, fengið hjartaáfall á golfvellinum við sveitaklúbbinn í Los Angeles. Hann
hafði andast í sjúkrabílnum á leiðinni að spítalanum.
Leandro hafði arfleitt Alex að öllum eigum sínum íEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lífsförunautur
Miles Halstead hrökk upp með andfælum og settist upp í rúminu. Hundur gelti í grennd. Það var Bruce, border
collie-hundurinn hans.
–Hvað í…?
Miles kveikti á náttlampanum. Bruce stóð við dyrnar að ganginum og ýlfraði. Hann beið spenntur eftir því að
Miles gæfi skipun.
–Sestu, sagði Bruce. –Þegiðu.
Bruce settist og beið.
Miles reyndi að vakna almennilega. Hafði hann ekki heyrt einhvern hávaða? Annan en geltið í Bruce?
Miles tók símann upp. Klukkan var 3:10 að nóttu. Í sama bili gall dyrabjallan tvisvar. Í kjölfarið var bankað
hraustlega á hurðina.
Bruce ýlfraði aftur.
–Bæli, sagði Miles við hundinn. Bruce var frábær náungi.
Hann lallaði að bælinu sínu í horninu og hringaði sig þar.
Miles svipti af sér sænginni, fór síðan í gallabuxur, inniskó og peysu og rölti fram á gang.
Við útidyrnar hikaði hann.
Vitanlega voru afar litlar líkur á því að á pallinum stæði einhver lélegur leikari sem hugðist gera allt vitlaust. Heimabær Miles, Heartwood í Oregon, var skammt undan en þar glímdu menn sjaldan við ofbeldisglæpi. Á Halstead-býlinu
hafði aldrei verið brotist inn á þeim þrjátíu og níu árum sem Miles hafði lifað.
En maður vissi svo sem aldrei hvenær vandræðinEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Barnsfaðirinn
Þetta byrjaði allt með sakleysislegu daðri.
Reyndar var Payton Dahl alveg hætt að daðra. Daður leiddi of auðveldlega til skyndikynna. Skyndikynni urðu
oft að ástarsambandi og þessa dagana þurfti hún ekki á rómantík að halda, ekki einu sinni stuttum samböndum.
Raunar höfðu flest samböndin hennar verið þannig. Hún varði kvöldunum í að þjóna á bar og dögunum annaðhvort
i að hjálpa til á fjölskyldubúinu eða sitja við fartölvu.
Í rúma níu mánuði, frá janúar fram í október, hafði Payton staðið við það heit að koma ekki nálægt karlmönnum. Vissulega höfðu kynþokkafull bros og seiðandi augu freistað hennar oftar en einu sinni, en hún hafði staðist
freistingarnar. Í höfðinu á Payton bjuggu sögur sem hún ætlaði að skrifa. Það krafðist sjálfsaga og mánuðum saman
hafði hún beitt sig hörðu og einbeitt sér að verkinu.
En eitt miðvikudagskvöld í október birtist henni ný freisting, stærri en nokkur önnur, og gjörsamlega ómótstæðileg.
Lerkisalurinn á Hótel Heartwood var steindauður þetta kvöld. Í einum básnum þrætti þreytulegt, miðaldra par í
hálfum hljóðum og án nokkurra tilþrifa. Fastagesturinn Cletus Carnigan sat við endann á barborðinu og horfði
hokinn ofan í bjórglasið sitt.
Allt benti til þess að þetta yrði eitt af mörgum rólegum og tíðindalausum kvöldum. En þá settist hávaxinn, skarpleitur
og herðabreiður maður með úfið, skolleitt hár og há kinn bein á koll við hinn enda barborðsins.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hjartaknúsarinn
–Mikið ertu falleg. Þetta rauða hár, grænu augun, stórkostlegur kroppurinn og varir sem voru skapaðar til að kyssa. Má ég segja þér leyndarmál?
Svar Nell var einfalt. –Nei.
En myndarlegi maðurinn í dýru jakkafötunum var ekki að hlusta. Hann hallaði sér fram svo að Nell fann glöggt viskílyktina út úr honum. Hann var ekki drukkinn, bara nógu kenndur til að vera ýtinn.
–Ég er yfirleitt ekki hrifinn af konum með húðflúr, sagði hann og virti fyrir sér flúrið sem þakti upphandlegginn á henni.
–En í þínu tilviki geri ég undantekningu. Helst vildi ég fara upp á þig strax, bara hérna á barnum.
Nell velti því fyrir sér hvort hún ætti að nenna að móðgast, en ákvað að sleppa því. Hún hafði aldrei haft neitt á móti
hreinskilni. En því miður vakti þessi náungi ekki áhuga hennar.
Fáir karlmenn gerðu það.
Bara einn, frómt frá sagt.
Sá maður birtist hreinlega alls staðar þessa dagana, hvar sem hún átti leið um. Hún ætlaði ekki að leyfa honum að koma nálægt sér framar.
Hún hafði líka fengið nóg af myndarlega náunganum í fínu jakkafötunum. Honum var ekki bara lífsins ómögulegt að skilja vísbendingar og sneiðar, heldur fékk hann hana til að hugsa um eina manninn sem hún kærði sig ekki um að hafa neitt samanEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Fjallabrúðurin
Þegar brúðurin skjögraði inn í bjarmann frá varðeldinum við bústaðinn, illa á sig komin, sat Garrett Bravo fyrir utan afskekkta griðastaðinn sinn og ristaði sér pylsu á teini.
Eitt andartak hélt Garrett að hann sæi ofsjónir.
En hvernig mátti það vera? Hann hafði aldrei fyrr séð neitt sem ekki var raunverulegt. Og hann hafði ekki drukkið nema tvo bjóra.
Japli, ástralski fjárhundurinn hans, gaf frá sér hvellt væl af undrun.
–Kyrr, Japli.
Hann leit hvass á hundinn, sem skalf og mændi á svipinn hinum megin við varðeldinn.
Garrett leit upp á ný. Hún var þarna enn.
Hann opnaði munnin og hugðist tala, en orðin vildu ekki koma.
Að lokum spratt hann á fætur og gaf frá sér fáránlegt óp, ringlaður og vantrúaður. Við þessa snöggu hreyfingu datt pylsan af teininum og á jörðina. Hann gapti á hana, en Japli horfði vongóður á húsbónda sinn. Þegar Garrett bannaði honum ekki að éta pylsuna beið hvutti ekki boðanna og sporðrenndi henni í snatri.
–Æ, sagði hvítklædda tötrughypjan, gekk í átt að eldinum og veifaði. Höndin var mjög óhrein. –Það er óþarfi að standa upp.
Þetta er verra en það lítur út fyrir að vera, skal ég segja þér.
Þetta leit svo sannarlega ekki vel út í hans augum. Laufi prýdda hárið, sem einu sinni hafði verið vel og snyrtilega greitt, og ljótar skrámur og marblettir sáust á berum öxlunum og handleggjunum.
Vinstra auga vesalings konunnar var fjólublátt og svo bólgið að hún gat ekki opnað það. Hvíti kjóllinn var rifinn, tættur og forugur. Hann var í svipuðu ásigkomulagi og eigandinn.
–Hamingjan góða, stundi hann. –Er allt í lagi með þig?Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Bróðurdóttirin
Kallaðu mig Caroline, sagði hún, krosslagði granna fæturna og spennti greipar á hnénu.
–Gott og vel, Caroline. Klukkan hvað sagðirðu að uppboðið ætti að fara fram?
–Við ætlum að hafa dagskrá allan daginn í almenningsgarðinum. En þú þyrftir bara að vera þar frá tvö til fjögur,
svona á að giska.
–Frá tvö til fjögur, endurtók hann, þóttist verða hugsi og lét sem hann langaði mjög til að geta orðið henni að liði. Hann
langaði svo sem til þess, en bara ekki á þessu sviði.
Caroline brosti sínu breiðasta og horfði á hann gegnum kisugleraugun sín. –Jæja. Við getum þá bókað þig sem einn af
piparsveinunum okkar. Mikið er ég glöð.
–Heyrðu, hinkraðu nú aðeins, góða, ég þarf að athuga málið.
Hann skrunaði niður skjáinn með músinni og þóttist vera niðursokkinn í það sem hann sá.
–Því miður er ég upptekinn milli klukkan tvö og fjögur.
Það var haugalygi og Seth var illa við að segja ósatt. En til að komast hjá því að standa uppi á sviði eins og verðlaunanaut var hann tilbúinn að grípa til örþrifaráða.
–Ég kem þessu ekki við, því miður.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hjartað ræður
Hann var frábær við telpurnar. Á því hafði Ava ekki átt von. Þau höfðu þekkst síðan í miðskóla og hann var mikið kvennagull. Hins vegar hafði hann aldrei fest ráð sitt og Ava því talið víst að börn vektu ekki áhuga hans.
En einhvern veginn hafði hann látið tilleiðast að aðstoða ljósálfana við jólaverkefnið. Á undanförnum sex vikum hafði
hann haft umsjón með stúlkunum meðan þær settu saman fimm dúkkuhús, máluðu þau og innréttuðu. Húsin yrðu gefin fimm góðgerðarsamtökum í bænum. Darius hafði að mestu unnið verkið en honum hafði tekist að fá telpurnar til að aðstoða sig á mjög uppbyggilegan hátt.
Jamm og já. Darius var kynþokkafullur og heillandi og hann náði vel til barna. Sylvie dáði hann. Það með kunni Ava
enn betur við hann en ella og daðrið í honum, hvort sem það var með orðum eða augnaráði, hafði meiri áhrif á hana.
Lengi hafði hún talið að henni fyndist hann ekki jafn freistandi og í miðskólanum forðum. Nú óttaðist hún að hún væri
að verða pínulítið skotin í honum í annað sinn. Hún var meira að segja stundum með óra um hann.
Eða jafnvel bálskotin.
Og hvað með það? Hún þurfti á órunum sínum að halda.
Hún hafði ekki úr öðru að moða þegar um rómantík, ástríður og kynlíf var að ræða.
Nei, hún vorkenndi sér ekkert þó að hún væri karlmannslaus. Övu langaði ekki vitund í annað samband. Hún hafði
elskað Craig Malloy og misst hann. Það eina sem hún átti eftir voru minningarnar, samanbrotni fáninn og orðurnar. SexEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Yfirmaðurinn
Elise Bravo langaði til að fara í bað. Langt, slakandi bað.
Með mikilli froðu. Hana langaði til að fara úr hverri spjör og binda hárið upp í hnút. Grípa með sér safaríka ástarkilju og leggjast í karið sem hún hafði látið koma fyrir í stóra baðherberginu í þriggja herbergja íbúðinni sem hún átti fyrir ofan veisluþjónustuna sem hún rak í gömlu, fallegu múrsteinshúsi í Justice Creek í Coloradó ásamt Tracy, bestu vinkonu sinni.
Því miður heyrði baðkarið sögunni til. Íbúðin sömuleiðis. Fyrirtækið var horfið líka. Fyrir þremur mánuðum hafði húsið sögufræga brunnið til kaldra kola.
Og besta vinkona hennar hafði flust til Seattle til að hefja nýtt líf.
Nú átti Elise heima í pínulítilli leiguíbúð í hverfi sem ekki var sérlega aðlaðandi. Baðherbergið var á stærð við frímerki og þar var aðeins sturta, ekkert kar.
Upp á síðkastið lá við að Elise féllust hendur og að hún gæfist upp þegar hún var að afgreiða á kaffihúsinu hennar Clöru, systur sinnar, eða hjálpa Jody, mágkonu sinni, í blómabúðinni. Hún var ákaflega vonsvikin með sjálfa sig.
Það var nefnilega ekki eldsvoðinn, sem hafði eyðilagtEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Draumahjónaband
Líklega.
Á gömlu borði skammt frá kom James auga á veskið sitt, símann og lyklana.
Hvernig í fjandanum hafði þetta gerst?
Hann mundi eftir því að hafa staðið á pallinum á næstum fullbyggða húsinu sínu fimmtán kílómetra fyrir utan heimabæ sinn, Justice Creek í Coloradó. Það var svalur og bjartur marsdagur. Hann hafði verið að glápa á stóra, veðraða hesthúsið á Rauðhóli og vonað að Addie riði brátt framhjá á einum af hestunum sem hún hýsti og tamdi.
Gamli, brjálaði skarfurinn hlaut að hafa komið aftan að honum.
–Herra Kenwright? sagði James varfærnislega.
Levi beindi byssunni enn að James, en röddin var vingjarnleg. –Það er engin þörf fyrir formlegheit, sonur sæll, enda verðum við bráðum tengdir fjölskylduböndum. Ég vil að þú kallir mig Levi.
Ha? Fjölskylduböndum? James var svo illt í höfðinu að hann treysti sér ekki til að reyna að átta sig á því hvað maðurinn var að fara.
–Gott og vel, Levi skal það vera.
–Skínandi, sagði sá gamli og rak upp gleðiskræk.
Skínandi? Það væri skínandi ef Levi legði frá sér byssuna og losaði hann úr fjötrunum. En James þagði bara til að ergja ekki kvalara sinn. Þá væri Levi vís til þess að hleypa af. Það væri bæði gott og slæmt. Kosturinn væri sá að James myndi losna við höfuðverkinn. Gallinn yrði hins vegar sá að hann yrði höfuðlausEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Viðskiptafélaginn
Þetta byrjaði allt með kjánalegu tímaritsprófi þremur dögum fyrir þakkargjörð.
Paige Kellerman og besti vinur hennar og viðskiptafélagi, Carter Bravo, sátu á hinni fínu og flottu skrifstofu
borunarfyrirtækisins Leery í Denver. Þau biðu þess að hitta að máli Deacon Leery, forstjóra fyrirtækisins, sem hafði
þegar pantað fimm sérhannaða og breytta bíla frá fyrirtæki þeirra, Bravo-bílum.
Carter var að verða óþolinmóður. Hann varði yfirleitt vinnudeginum í gömlum gallabuxum og stuttermabol með
höfuðið undir vélarhlíf á bifreið. Hann hafði ekki gaman af fundum.
En Deacon var stór viðskiptavinur. Og Deacon vildi ólmur að Carter kæmi á þessa stórfenglegu skrifstofu til að
hlusta á hann blaðra um klassísku bílana sína stundarkorn áður en hann sneri sér að ökutækinu sem hann vildi að
Carter hannaði næst. Að mati Deacons þurfti Paige varla að vera á staðnum. En það var hún, sem sá um reksturinn,
og þess vegna var hún alltaf með í för.
Carter hafði farið úr sportjakkanum og fleygt honum áEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista