Flýtilyklar
Julie Miller
-
Hættuleg fortíð
Skemmdarverk. Luke Broughton steig nokkrum sinnum á bremsurnar til að athuga hvort það væru kröppu beygjurnar á fjallveginum sem ollu því að bíllinn hans rásaði inn á miðjan veginn og hann náði ekki að hægja ferðina en vissi samt betur. Innra með sér. Einhver vildi hann feigan. Hann sá glitta í tvo svarta jepplinga milli trjánna vinstra megin við sig sem óku eftir veginum á eftir honum. Þeir brunuðu áfram og það voru ekki nema 7-800 metrar í þá. Ein hárnálabeygja í viðbót og þeir yrðu komnir að honum. Reyndar yrði ekki langt í að hann missti stjórn á bílnum á þessum ofsahraða og færi út af veginum í einhverri beygjunni. Hann hafði ekið herjeppum á söndugum vegum í Mið-Austurlöndum og í fjöllum Afganistan en þetta var ekki léttvopnað ökutæki og Teton-fjöllin í norðvestur-Wyoming voru allt öðruvísi. Hærri og brattari. Vegirnir voru betri en þétt laufskrúðug trén skyggðu á útsýnið. Hnúarnir hvítnuðu þegar hann þétti dauðahaldið um stýrið til að taka næstu beygju. Afturhluti bílsins slóst til en hann náði stjórninni aftur. Hinu megin við vegriðið var þverhnípi. Hann reyndi að skipta bílnum niður en gírkassinn var kominn í verkfall. Skemmdarverk, engin spurning, sem einhver hafði framið á bílnum hans. Einhver sem kunni vel til verka til að þagga niður í fólki sem þvældist fyrir með því að láta afleiðingarnar líta út fyrir að vera slys
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Verndarinn
–Mamma, hann var víst að daðra við þig. Hazel Cooper dýralæknir hrökk við þegar eldri dóttir hennar opnaði dyrnar á skoðunarherberginu. Hún krumpaði blaðið, með óþægilegu skilaboðunum, saman í kúlu og stakk henni í sloppvasann, límdi bros á andlitið og sneri sér við. –Áttu við Burke? Ég var útötuð í mítlum og óhreinindum upp að olnbogum. Hann kom með Gunny til að ég gæti hreinsað eyrun á honum og gengið úr skugga um að lyfin væru að vinna bug á sýkingunni. Hann hjálpaði mér með því að halda Gunny og við ræddum um að það þarf fljótlega að bólusetja hundinn við mjógirnasótt. Ekkert daðurslegt við það. Ashley Cooper setti á sig hanska áður en hún sópaði óhreinum grisjum og bómullarhnoðrum af stálborðinu í ruslafötuna. –Ég hefði átt að halda hundinum. Burke þurfti þess ekki. –Gunny er uppáhaldið hans og Burke fer ekki langt frá hundinum. –Ég sá það, sagði Ashley stríðin, –því hann fór ekki langt frá þér heldur og þú færðir þig ekki frá þegar hann straukst við þig. Hazel hristi höfuðið yfir þessu kjánalega tali. –Ég vildi að hann sæi að sýkingin er horfin. –Ég held að þú mótmælir of mikið. Ashley dró gluggatjaldið til hliðar til að Hazel sæi út á bílastæðið og manninn í lögreglubúningnum sem var að hleypa Gunny, þýska fjárhundinum sínum, upp í aftursætið á bílnum. –Hann er piparsveinn, ekki satt? Ég skal veðja að flestum konum líst mjög vel á hann. Samt kemur hann hingað með hundinn sinn til að skiptast á bröndurum við þig og koma aðeins of nálægt þér. Jedediah Burke var rétt í þessu að gefa hundinum skipun um að stökkva upp í bílinn. Svarti og brúni hundurinn var sterkur
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Með morðingja á hælunum
–Slepptu mér. Virginia Brennan prófessor losaði sig úr þéttu taki mannsins en þá greip hann aftur í hana með báðum höndum. –Hvar er Lombard? Gamli hvíthærði maðurinn var með sterkan hreim sem minnti hana á Chekov í sjónvarpsþættinum Star Wars, sem hún elskaði að horfa á, en þessi maður var enginn draumaprins unglingsstúlkna eða hetja úr geimnum. –Ég veit það ekki dr. Zajac og svona yfirgangur hjálpar ekkert til. Kammertónlistin í bakgrunninum hljómaði undarlega ósamhljóma þegar Gigi fann að hún var komin með bakið að veggnum utan við stóra salinn á Muehlebach hótelinu. –Þú getur ekki falið hann fyrir mér, sagði samstarfsmaður hennar ásakandi. –Ég er ekki að því. Hún ýtti á bringuna á manninum og blótaði í hljóði þegar par sem átti leið fram hjá þóttist ekki sjá framkomu mannsins, manns sem var virtur rannsóknarmaður, og gerði ekkert til að stöðva hann. Evgeni sá þau líka og sleppti henni. Kannski til að mannorð hans biði ekki hnekki í augum styrktaraðilanna sem styrktu sameiginlegar rannsóknir hans og Ian Lombard. Gigi færði sig fjær svo hann næði ekki til hennar og benti inn á ganginn þar sem salernin voru. Þar hafði hún síðast séð vin sinn og læriföður, Ian Lombard. –Ég sá ykkur rífast fyrir nokkrum mínútum síðan en hann er farinn. Hún þurfti sjálf að hitta Ian svo hún gæti forðað sér úr þessari martröð, samblandi af hávaða og fólki í móttöku háskólans sem var haldin í miðri Kansas City, og farið heim. Hana verkjaði í andlitið þegar hún setti upp enn eitt brosið sem hefði passað vel á andlitið á almannatengli. –Ég er líka að leita að Ian og ég vonaði að þú hefðir séð hann
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lögregluvernd
1. maí. Þjóðhátíðardagur Lukinburg. St. Feodor, á tröppunum við torgið framan við höllina. –Eftir þrjá mánuði verður St. Feodor gestgjafi þegar hópur fyrirmenna frá systurborg okkar í Bandaríkjunum kemur í heimsókn. Við ætlum að kynna Bandaríkjamennina fyrir heillandi landinu okkar og sýna þeim að þeir þurfa jafnmikið á okkur að halda og við á þeim. Þeir þurfa á fallegu náttúrunni og hæfileikaríka fólkinu okkar að halda. Smellir frá myndavélum í mannþrönginni blönduðust saman við suðið frá fjölmiðlafólkinu sem sagði fréttirnar á mismunandi tungumálum og hávaðinn var eins og bakgrunnshljóð fyrir brestina í gamla hátalarkerfinu. Allir biðu eftir að litla fjallalandið Lukinborg í Austur-Evrópu færi að blómstra aftur eftir margra áratuga kúgun og tæki sinn réttmæta sess á sviði heimsins einu sinni enn. Svarthærð kona í kremlitaðri dragt kom aftan að prinsinum við ræðupúltið og ýtti laust í öxlina á honum. –Ekki gleyma að nefna nafn borgarinnar yðar tign, sagði hún. –Takk Galina, hvíslaði prinsinn og sneri sér aftur að hljóðnemanum. –Kansas City í Missoury, systurborg okkar, verður félagi okkar í Lukinborg til framtíðar og saman munum við njóta virðingar og blómstra. Við verðum frábærir vinir. Fagnaðarlætin voru ærandi. Prinsinn lagaði gleraugun aðeins og horfði yfir mannfjöldann gegnum skothelda glerið sem umlukti ræðupúltið, framhjá skiltunum þar sem lýst var yfir stuðningi við nýja stjórnarfarið og á þungbúna mótmælendur sem voru ekki eins jákvæðir og biðu eftir tækifæri til að láta í sér heyra. Áður fyrr hefði mannþröng af þessari stærð í borginni,
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Brúðarmær í hættu
Okkur er það mikil ánægja að bjóða þér í ... –Þetta hlýtur að vera grín. Conor Wildman renndi augunum yfir boðskortið í brúðkaupið. Upphleypt bleik hjörtu og fjólubláir borðar skreyttu pappírinn og litla spjaldið með upplýsingunum um hvert átti að senda svarið við boðinu. Þetta hlaut að vera grín. En var það ekki. Kærastan hans fyrrverandi var ansi ósvífin að bjóða honum í brúðkaupið sitt. Ennþá ósvífnara af téðri fyrrverandi að ætla að giftast fyrrum besta vini hans. Hann var ekki bitur. Conor hnussaði, fékk óvart heitt kaffi upp í nefið, og blótaði. Já, svona vel leið honum við að sjá nöfn Joe og Lisu saman, eins og þegar heitur svartur drykkur brennir nasaholurnar. Hann hefði átt að leyfa pósti gærdagsins að liggja á bekknum og skoða hann eftir vinnu í kvöld, eða eftir drykk eftir vinnu sem var enn betra. Nei, hann hefði átt að henda fölbleika umslaginu í ruslið og fara svo beint á barinn þar sem hann og vinir hans í lögreglunni voru vanir að hittast. Heimilisfang sendandans hafði ekki verið á umslaginu til þess að hann myndi ekki henda því beint í ruslið. Ef hann hefði verið búinn að fá kaffi hefði hann kannski rekið augun í að umslagið var sent frá Arlington, Virginiu, en hann var nýkominn úr morgunsturtunni og rétt búinn að hella í fyrsta kaffibollann svo minningin um það sem hann hafði glatað undanfarin tvö ár náði að koma honum á óvart. Það skipti ekki máli þó að hann skildi alveg ástæðuna fyrir því að Lisa sagði honum upp. Of margar lygar sem hann varð að segja, of margar nætur í vinnu þegar hann vann hjá vitnaverndinni. Það var samt sárt að vera sagt upp og röksemdirnar gátu ekki dregið úr sársaukanum við að fá
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Leiðangurinn
Jason Hunt hékk á fingurgómunum í nokkur þúsund metra hæð og síminn hans hringdi. Nokkur hundruð metrar í viðbót, þá hefði símasambandið dottið út. Hann treysti á handstyrk sinn og öruggt grip og naut þagnarinnar milli hringinganna. Sumarsólin skein skært fyrir ofan hann og geislarnir voru hlýir á hörundinu. Hitinn endurkastaðist af storkubergsklettunum sem hann hafði verið að klifra upp undanfarna klukkustund. Hann hefði getað haldið sig við merktu leiðina eins og túristarnir en hann hefði ekki viljað missa af þessu útsýni. Heiðskír himinn. Margir kílómetrar milli þessa fjalls og næsta. Snjór á fjallatoppunum, síðan silfurgrátt storkuberg og við tók dökkgræn og brún trjálína. Hann sá meira að segja glitta í grábláar útlínur vatnsins, Jenny Lake, þaðan sem hann hékk. Hann færði takið til að geta snúið sér og andaði að sér lofti sem var svalara og hreinna en í nokkrum öðrum heimshluta sem hann hafði heimsótt. Hann hafði heimsótt fleiri en hann kærði sig um. Héðan sá hann alla leið yfir í dalinn, Jackson Hole, milli fjallanna í fjarska ... En síminn hans hélt áfram að hringja. Hann virti bergið fyrir sér í leit að næsta stað fyrir
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Verndargæsla
Thomas Watson fann til í andlitinu af áreynslu við að halda aftur af tárunum þegar hann sá dóttur sína í brúðarkjólnum.
–Pabbi, þetta er allt í lagi. Olivia Mary Watson var búin að pakka öllum hversdagsklæðnaði niður ásamt byssu og skildi og
var komin í perlusaumaðan fílabeinshvítan kjól sem sýndi svart á hvítu að hún var fullorðin kona, nokkuð sem hann var tregur til að viðurkenna. Hún strauk honum um vangann og brosti, minnti Thomas á eiginkonuna sem hann hafði misst en hún hafði fallið fyrir byssukúlu frá dópuðum innbrotsþjófi þegar Olivia var smábarn. –Ég verð alltaf litla stelpan þín.
Hún hafði hætt að vera litla stelpan hann daginn sem hún réð sig í lögregluna í Kansas City, þar sem hann sjálfur, faðir hans og þrír eldri bræður hennar voru líka lögreglumenn, en faðir mátti láta undan tilfinningaseminni á degi eins og þessum. Þau stóðu í gættinni að fataherberginu í kirkjunni og heyrðu tónlistina sem var spiluð fyrir athöfnina en Thomas mundi eftir skrámuðum hnjám, pirrandi eldri bræðrum og ástarsorg sem hafði útheimt ráðgjöf, þolinmæði og faðmlög frá honum.
–Þú ert gullfalleg, svo lík mömmu þinni. Hann strauk blúnduna í slörinu sem brúður hans sjálfs hafði borið 35 árum fyrr þegar hann hafði verið nýútskrifaður lögreglumaður sem hafði verið sendur til Englands í fyrsta verkefni sitt erlendis. Mary Kilcannon hafði verið óbreyttur borgari sem vann á herstöðinni. Hann hafði bjargað henni frá fullum hermanni á barnum eitt kvöldið og þau höfðu farið að spjalla, talað saman þar til nýr dagur rann upp, kysstst fyrsta kossinum og orðið ástfangin.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ágústmáni
–Þetta er einhver Valentínusardagsbölvun, sagði Duff Watson við sjálfan sig. Smókingfötin sem leigan hafði látið hann fá voru áreiðanlega númeri of lítil.
Hvað skyldi fjölskyldan hans segja ef hann tæki af sér slaufuna og hneppti efstu skyrtutölunni frá? Þessi klæðnaður
var bara fyrir apa. En systir hans yrði fúl og faðir hans færi hjá sér. Seamus afi myndi hlæja og bræður hans stríða honum til æviloka. Þá var betra að láta sig hafa það.
Duff var hann ævinlega kallaður, þó að hann héti Thomas.
Hamingja systur hans skipti hann miklu máli og hann hafði meira að segja fallist á að vera svaramaður unnusta hennar.
En það eina sem var venjulegt við þennan dag var skammbyssan í hulstrinu við mjóbakið á honum og skjöldur rannsóknarlögregluþjónsins sem hann geymdi í vasanum.
Yngri bræður hans tveir, Niall og Keir, röltu fyrir aftan hann. Bræðurnir voru að fylgja brúðarmeyjunum að altarinu.
Watson-bræðurnir þrír voru allir lögregluþjónar í þriðja ættlið. Faðir þeirra var löggæslumaður og afi þeirra hafði
verið það líka. Bræðurnir voru gjörólíkir. Niall var sá gáfaði.
Hann var réttarlæknir og vann á glæparannsóknarstofunni.
Hann virtist ekkert kippa sér upp við pompið og praktina í kringum sig. Hann virtist fremur vera að reikna út skrefa-Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Niðurtalningin
−Þú er nú meiri rugludallurinn, fulltrúi Watson.
Keir Watson skellihló framan í Natalie Fensom Parker, brúðarmeyjuna sem var förunautur hans upp að altarinu við brúðkaup systur hans. Hann lagaði dumbrautt bindið við vesti í stíl sem hann klæddist undir svörtum smókingfötum og bar
höndina að enni sér að hermannasið á leið framhjá Al Junkert.
Al var gamall fjölskylduvinur og einnig fyrrum lögreglumaður og samstarfsfélagi föður Keir, Thomas, eða þar til sundurskotinn fótleggur hafði rekið hann á eftirlaun fyrir aldur fram. –Það er ekki rétt, frú. Ég segi ávallt satt og þú ert fegursta ólétta konan hér í dag. Enginn gestanna getur slitið af þér augun.
Blómvöndurinn sem engu var líkara en hvíldi á útþöndum kvið Natalie hristist allur til þegar hún flissaði. –Augu allra eru
á systur þinni og Gabe í dag. Það er enginn sem horfir á mig vagga hérna upp að altarinu.
−Það gerir eiginmaður þinn reyndar.
−Ég gæti trúað að Jim fylgist frekar með þér, sagði hún og brosti út að eyrum til eiginmanns síns þegar þau gengu hjá
sætaröðinni þar sem hann stóð. –Þau Olivia systir þín hafa starfað hlið við hlið um tíma og ég fylgist því óneitanlega náið
með ykkur Watson bræðrunum. Þriðju kynslóðar lögreglumenn á eftir föður ykkar og afa. Hann Jim minn þekkir nú vel orðspor ykkar innan lögreglunnar.
−Að ég stefni að því að vera ámóta seigur og hann er úrræðagóður? Að ég ætli mér að verða aðstoðarvarðstjóri áður en
ég næ þrjátíu og fimm ára aldri?
−Nei, að þú sért daðrari fram í fingurgóma. Hún þrýstiEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Fósturbarnið
Niall Watson hefði heldur viljað vera að kryfja lík á rannsóknarstofunni en standa við altarið og gæta bræðra sinna.
En ekki gat hann sagt nei við systur sína á brúðkaupsdaginn hennar. Ásamt silfurborðbúnaðinum sem hann hafði pantað á netinu var það hluti af gjöf hans til Oliviu og unnusta hennar að fara í sitt fínasta púss og standa andspænis kirkjugestum, sem ýmist brostu eða táruðust.
Olivia var yngst Watson-systkinanna fjögurra og eina stúlkan í hópnum. Hún hafði beðið hann um að sjá til þess að bræður þeirra, Duff og Keir, hegðuðu sér almennilega.
Það var snjallræði hjá henni. Óþekku bræðrunum yrði haldið á mottunni og Niall neyddur til að taka virkan þátt í athöfninni. Með því að láta hann fá afmarkað verkefni færi hann ekki að hugsa um líkið sem hann hafði skoðað daginn áður á rannsóknarstofunni í suðurhluta Kansasborgar, athugasemdirnar sem hann átti eftir að slá inn í tölvuna eða staðreyndir um fórnarlamb drukknunar sem hann vildi fara yfir aftur áður en hann léti rannsóknarlögreglunni niðurstöðurnar í té.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista