Flýtilyklar
Ást og afbrot
-
Gildran
Regla númer eitt: Skildu engin vitni eftir. Þau horfðust í augu. Hann lét látnu konuna detta úr fanginu á sér og tók eitt varfærnislegt skref í áttina að áhorfandanum sem faldi sig bak við runnann. Augun glitruðu í myrkrinu en nú þöndust þau út eins og hjá dádýri sem bílljós falla á. Áhorfandinn lagði á flótta. Hann horfði á bráðina sem lá við fætur hans og hljóp af stað á eftir vitninu, með reglu númer eitt í huga. Það skrjáfaði í ruslapokanum, sem hann hafði klætt sig í, þegar hann hljóp inn á milli trjánna með byssuna niður með síðunni. Hann hafði þurft að beina byssu að Ashley til að neyða hana inn í bílinn sinn en hann hafði verið með hanska þegar hann kyrkti hana, alveg eins og stóð í handbókinni. Hann hljóp um í nokkrar mínútur og leitaði en fann enga slóð eða ummerki sem sýndu hvert manneskjan hafði hlaupið. Hafði hann eða hún séð hann? Séð líkið? Hann hallaði höfðinu aftur og virti fyrir sér myrkan næturhimininn ofan við trjátoppana. Kannski var þetta ekki vitni eftir allt saman. Maðurinn togaði derhúfuna betur niður á ennið. Kannski hafði hann skilið eftir sannanir þegar hann hljóp á eftir manneskjunni inn á milli trjánna. Hann beygði sig, lagði hendurnar á hnén og andaði ört. Sveittir lófarnir límdust við plastið. Hann heyrði í bílvél og leit snöggt upp. Of seinn. Hann eða hún var sloppin og var kannski að hringja í lögregluna. Maðurinn sneri sér við og flýtti sér til baka að rjóðrinu þar sem hann hafði skilið Ashley eftir. Núna hafði hann ekki eins langan tíma til að ljúka þessum leiðangri. Hann hafði klúðrað fyrsta morðinu sínu en var ákveðinn í að ljúka verkinu.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Beitan
Regla númer þrjú: Ekki taka óþarfa áhættu fyrir frægðina eða til að fá athygli. Hann hnussaði og svolítið af munnvatni rann niður á hökuna. Hann þurrkaði það af sér með handarbakinu. Var ekki þjálfarinn vanur að segja: Kjarkleysi er það sama og að ná ekki árangri. Eða var það: Enginn sársauki er það sama og enginn árangur? Honum sjálfum var alveg sama. Hann seig niður í bílstjórasætið. Inniljósið skein á spjaldtölvuna sem hann hélt á í hendinni og hann strauk laust með fingurgómnum eftir kantinum á henni meðan hann las af mikilli græðgi grein um hugsanlegan þriðja eftirhermumorðingjann sem hermdi eftir Spilamanninum, morðingja sem gekk laus fyrir 20 árum síðan. Fyrsti morðinginn, Jordy Lee Cannon, hafði fengið viðurnefnið eftirherman í fjölmiðlum. Sá sem kom á eftir honum, Cyrus Fisher, var kallaður eftirherman 2.0. Nú var lögreglan búin að finna lík sem hafði verið skilið eftir við San Gabrielfjöllin og óttaðist að þriðji raðmorðinginn væri að verki sem notaði sömu aðferð og Spilamaðurinn. Fjölmiðlar urðu að finna töffaralegra nafn en þessi heimskulegu nöfn fyrir hann
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Blóðhefnd
Regla númer 3: Skildu aldrei eftir fingraför eða DNA. Hann þurfti ekki að hafa áhyggjur af því. Hann var varkár og þrifinn og vildi líka miklu frekar fremja verknaðinn heima hjá þeim. Það róaði þær kannski að vera innan um eigur sínar og hann var ekkert skrímsli. Frekar leiðbeinandi – eða kannski miðlari. Hvern langaði til að þvælast um alla LA með lík í skottinu í leit að stað til að losa sig við líkið? Það var ómögulegt að segja hver fylgdist með. Hvort það voru myndavélar eða ekki. Myndavélar fylgdu manni alls staðar þessa dagana en það var hægt að losa sig við rafrænt eftirlit með því að fylgjast vel með. Hann gerði það. Nauðganir? Honum varð óglatt við tilhugsunina. Kynlíf var viðbjóðslegt og hann myndi aldrei skilja líkamsvessa sína eftir inni í einhverjum. Konan undir honum gaf frá sér hást kokhljóð og hann hrökk við. Best að halda sig að verki. Hann kreisti líftóruna úr Andreu með hanskaklæddum höndunum og horfði á blikið hverfa úr útstæðum augunum. Limur hans harðnaði þegar valdatilfinningin fyllti líkamann og hann lokaði augunum til að njóta tilfinningarinnar. Bara nokkrar sekúndur af eftirlátssemi. Hann ætlaði aldrei að segja neinum frá kynferðislegu lönguninni og vissi ekki af hverju þetta gerðist. Hann bað ekki um neitt og framdi verknaðinn ekki þess vegna svo hann skammaðist sín svolítið fyrir þetta. Hann sleppti takinu um háls Andreu og spretti fingrum. Það
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Tálbeita
Regla númer 4: Fórnarlambið ætti aldrei að vera einhver sem þú þekkir. Hann pírði augun og horfði á stúlkuna sem lá í hnipri í aftursætinu á bílnum hans. Hann þekkti Kelsey eiginlega ekki. Það taldist ekki með að hafa séð hana og vita hvað hún hét – var það nokkuð? Hann hafði hvorki þekkt Shelby né Marissu heldur. Þær vissu ekki hvað hann hét og höfðu aldrei virt hann viðlits. Hann gat næstum því ímyndað sér að Kelsey væri að brosa til hans þegar hann pírði augun svona. Það var betra en svipurinn sem hafði komið á hana síðast þegar hún horfði á hann. Hann brosti á móti. Skrjáfhljóð sem barst frá enda stígsins þurrkaði brosið af andliti hans og fékk hjartað til að hamast. Ekki á góðan hátt eins og það hafði gert þegar hann snerti Kelsey í fyrsta skipti. Hann hélt niðri í sér andanum þangað til hann sá íkorna hoppa niður úr tré. Dýrið sneri höfðinu í áttina til hans og horfði á hann hvössum augum. Hann stappaði niður fætinum og dýrið þaut upp í næsta tré. Hann krækti handleggjunum undir handleggi Kelsey og dró hana út úr bílnum. Hælarnir á skónum hennar lentu á mjúkri jörðinni. Hann ætlaði að setja hana við stíginn en ekki of langt frá. Einhver þurfti að sjá hvað hann hafði haft fyrir stafni áður en dýrin náðu til hennar. Hann hafði gert þau mistök með Shelby. Þennan stað hafði hann ákveðið fyrirfram og komið þangað nokkrum sinnum.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hættuleg vitneskja
Katlin Andrews reyndi að ná betra taki á stýrinu með sveittum lófunum. Bros hennar var tryllingslegt meðan hún ók eftir dimmum götunum í versta hluta bæjarins. Hún var nýbúin að fá sönnunina sem hana vantaði til að birta bestu frétt ævinnar og gat ekki beðið eftir að sjá andlitið á yfirmanninum þegar hún sannaði þetta fyrir honum. Honum hafði fundist að hún væri of ung og reynslulaus til að bera kennsl á alvörufréttir en það var rangt. Það var ekki nóg með að hún hefði neglt fréttina, þetta var meiri háttar afhjúpun. Sigurtilfinningin streymdi um hana þegar hún ók út úr hverfinu, þakklát fyrir að vera á heimleið. Nokkrar götur í viðbót, þá var hún komin að þjóðveginum. Svo ætlaði hún að vinna það sem eftir var nætur við að ganga frá sögunni og hnýta lausa enda. Það sem hún hafði fundið í kvöld átti eftir að breyta lífi hennar, það var hún viss um. Hún sá bílljós í baksýnisspeglinum sem trufluðu hugsanaferlið. Þau nálguðust hratt og Katlin steig ákveðin á bensíngjöfina. Innsæið gerði vart við sig. Enginn sem var á ferðinni í þessu hverfi og á þessum tíma sólarhrings gat haft neitt gott í hyggju og hana langaði ekkert að hugsa um ástæðuna fyrir því að einhver bíll var að elta hana núna.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Skuggabaldur
Svitinn rann niður gagnaugun á Lyndy Wells og niður á milli herðablaðanna. Hún var á leiðinni til baka að bílnum sínum eftir erfiða kvöldgöngu. Tæp 14 aukakíló voru nóg til að fá hvern sem var til að svitna en þegar óþægileg stígvél og ullarkápa bættust við var gangan mjög erfið. Það var ekki nóg með að hún ætti ennþá eftir að losa sig við 7 kíló eftir meðgönguna heldur bar hún barnið í poka framan á sér, klætt í þykkan kuldagalla. Gus var orðinn 5 mánaða og henni fannst kominn tími til að losna við þessi aukakíló. Það var komið fram á haust og stutt þangað til það færi að snjóa í litla bænum í norðurhluta Kentucky. Þá yrðu kvöldgöngurnar ekki kaldar lengur heldur ómögulegar en þangað til ætlaði hún að gera sitt besta til að ganga 8000 skref á dag, eða nálægt því, með son sinn framan á sér. Núna langaði hana ekki til neins annars en að setjast inn í bíl og drekka úr vatnsflöskunni. Hún stoppaði aðeins við vatnið til að liðka fæturna aðeins til að reyna að minnka sviðann og ná andanum. Dagarnir voru orðnir svo stuttir að hún átti von á að flestir væru farnir að halda sig heima, nema hún.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Horfin
Emma Hart gat ekki losnaði við óþægilega tilfinningu um að eitthvað væri að. Þessi tilfinning hafði angrað hana allan daginn og gert hana órólega. Sara, systir hennar og sambýlingur, virtist finna fyrir þessu líka þó að hún hefði ekki sagt neitt. Sara hafði setið með farsímann sinn og minnisbók mestallan daginn og varla sagt orð eða borðað neitt. Það var ekki líkt henni að vera inni heilan dag nema það væri vitlaust veður. Emma hafði sinnt endalausum húsverkum, uppgefin eins og aðrar nýbakaðar mæður, og sinnt syni sínum til að reyna að losna við þessa tilfinningu um yfirvofandi vandræði. Það hafði ekki tekist og nú var sólin að setjast. Ef eitthvað var jákvætt við þetta allt saman var það að þessi skrýtni dagur var loksins að verða liðinn og morgundagurinn var alltaf betri. Hún krosslagði ökklana þar sem hún sat í rólunni á veröndinni bak við húsið og horfði á fallegt sólarlagið og Henry, litla fullkomna drenginn sinn. Hún lyfti honum upp og hreyfði hann svolítið til þangað til hún sá tannlaust bros. Hún lifði fyrir þetta. Bros breiddist yfir varir hennar þegar hún lét hann síga aftur niður í kjöltuna. –Einhvern tímann á ég eftir að kenna þér að snara kálfa og ríða út, alveg eins og afi þinn kenndi okkur Söru. Það hefði verið gott ef pabbi Henry hefði verið tiltækur til að kenna honum þessa hluti eins og pabbi hennar hafði kennt henni sjálfri en það þýddi ekkert að hugsa um það sem ekki gat orðið. Pabbi Henry var hermaður í leyfi þegar þau hittust og hann hafði alist upp á búgarði eins og hún, ekki langt frá staðnum þar
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Yfirhylming
Violet Ames ók rólega eftir kunnuglegum hlykkjóttum veginum í River Gorge, Kentucky. Hún þerraði tárin og bað. Það voru mörg ár síðan hún kom síðast í afskekkta bæinn í fjöllunum þar sem amma hennar hafði alið hana upp og svona hafði hún ekki hugsað sér að snúa aftur. Í hennar útgáfu voru endalaus faðmlög og þrefaldur skammtur af súkkulaðikökunni hennar ömmu. Það yrði ekkert slíkt í kvöld. Violet hafði athyglina á dökkum sveitaveginum fyrir framan sig og líka á sofandi barninu fyrir aftan sig. Maggie var 8 mánaða gömul og svaf róleg í litla bílstólnum. Þreytan hafði orðið tárunum yfirsterkari þegar bíllinn ók út af bílastæðinu við sjúkrahúsið. Violet nuddaði augun og reyndi að halda ró sinni en þetta hafði verið erfiður dagur. Það hafði verið hringt af sjúkrahúsinu um morguninn og henni sagt að amma hennar, 78 ára gömul ekkja, hefði fallið úr stiga í hlöðunni og næstum dáið. Þetta var stórundarlegt. Hlaðan hjá ömmu hennar var gömul og hafði ekki verið notuð eftir að afi hennar dó fyrir mörgum árum síðan. Af hverju hafði amma hennar verið þar inni og af hverju hafði hún verið uppi í stiga? Þarna var ekkert sem þurfti stiga til að komast að nema gamla heyloftið og þar var ekkert nema uppsafnað ryk margra áratuga. Violet nuddaði auma vöðvana í hálsinum aftanverðum og öxlunum með annarri hendinni og hélt þétt um stýrið með hinni. Hún gat ekki melt allt sem hafði gerst þennan hræðilega dag. –Hvað var hún eiginlega að gera? hvíslaði Violet út í milt sumarloftið sem streymdi inn um rifuna á bílglugganum
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Uppgjörið
Dagurinn hjá Declan Nash var ekkert sérstakur. Það hellirigndi en ekki nóg með það, gamli og trausti pallbíllinn hafði ákveðið að hætta að vera traustur. –Svona nú, Fiona. Hann strauk mælaborðið og reyndi að lokka bílinn til að hætta að hósta og gefa frá sér óheillavænlegt skrölthljóð. Fordbíllinn Fiona tók ekkert mark á honum. Declan játaði ósigur sinn með því að beygja inn á næstu afrein. Það var bensínstöð við endann á henni og hann ók upp að henni og andvarpaði. –Eftir allt sem við höfum þurft að þola ákveður þú að pakka saman núna? Hér af öllum stöðum? Borgin Kilwin í Tennessee var í klukkustundarfjarlægð frá þeim eftir þjóðveginum sem þýddi að Overlook, heimabærinn hans, var í 80 mínútna akstursfjarlægð í hina áttina. Hann var reyndar ekki á heimleið. Hann var lögreglustjórinn í Wildmansýslu en hér og nú var hann ekkert annað en maður sem var nýkominn í frí. Eða reyndi það að minnsta kosti. Declan andvarpaði inni í bílnum. Dökkblái kúrekahatturinn, sem hann notaði bara á frídögum sem þýddi að hann gekk eiginlega aldrei með hann, lá á farþegasætinu og gerði gys að honum. –Þú verður regnhlíf bráðum, sagði hann við hattinn. Hann steig út og opnaði vélarhlífina. Regnið skemmti sér við að rennbleyta hann á meðan. Reykjamökk lagði upp úr vélinni og hann fann sterka olíulykt. Declan fór að bílstjórahliðinni aftur og sótti símann sinn. Um leið dó á inniljósinu. Straumlaus
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Skipt um hlutverk
Sannleikurinn var sá að konan sem var nýkomin í veisluna var ekki héðan en það var ekki allur sannleikurinn. Af hverju var hún komin hingað?
Var hún væntanlegur stuðningsaðili einhverra af góðgerðasamtökunum sem þau unnu með?
Hafði hún komið til að spyrja út í reksturinn á samtökunum Second Wind fyrst þau höfðu flutt starfsemi sína í litla bæinn Overlook í Tennessee?
Var hún fjölmiðlakona? Með einhverjum í veislunni?
Desmond Nash reyndi að halda athyglinni við gestina sem höfðu þyrpst í kringum hann eins og hann væri sýningardýr í dýragarði en það var erfitt að líta af konunni sem gekk um salinn eins og hún væri þaulvön svona atburðum. Desmond fannst hún líkjast sjávardís þegar hann horfði á hana.
Sítt rautt hár sem liðaðist yfir axlirnar og niður á bakið eins og vatnsfall, augabrúnir í stíl og óræð dökk augu sem löðuðu Desmond til sín þó að það væri langt á milli þeirra. Hún var á háum hælum og hann hugsaði að hann þyrfti sennilega að horfa aðeins niður fyrir sig til að horfa í þessi dökku augu.
Áhuginn var ekki bundinn við þetta eingöngu. Hún var sjálfsörugg og þokkafull í hreyfingum. Eins og aðrir í veislunni var hún spariklædd. Svart silkið myndaði andstæðu við fölt og freknótt hörundið, hálsmálið var flegið og efnið lagðist þétt að mjöðmunum.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista