Flýtilyklar
Ást og afbrot
-
Glæpahringurinn
Alison Hill stakk Bonnie, dóttur sinni, undir burðarskýluna og gekk hröðum skrefum í kaldri morgungolunni. Aprílmánuður í Kentucky var fallegur en kaldur og Allison þurfti að sinna svolitlu áður en hún fór inn. Mason nágranni hennar, eldri maður, var vanur að koma út á veröndina þegar hann heyrði bílinn hennar koma eftir malarveginum en hélt sig inni í dag. Hann hafði ekki komið til dyra þegar hún bankaði og síminn hans var á tali. Mason var einn af fáum sem Allison þekkti sem var ennþá með heimasíma og þar að auki veggtengdan. Hann neitaði að stilla símann þannig að hann væri látinn vita ef einhver væri að reyna að hringja meðan hann var að tala í símann því hann sagðist ekki geta talað við nema einn í einu. Franny dóttir hans, sem bjó í Minneapolis og hafði sífelldar áhyggjur af pabba sínum eftir að hann fékk hjartaáfallið, var yfirleitt sú eina sem hringdi í hann. Allison flýtti sér meðfram húsinu og inn í skuggsælan garðinn bak við húsið til að gefa hænsnunum og taka eggin úr hænsnakofanum. Hún hafði lofað Franny að sjá um þetta meðan Mason var að jafna sig. Annar fjölskylduvinur sá um að slá garðinn og sinna honum. Hún heyrði niðinn í ánni í bland við goluþytinn þegar hún nálgaðist hænsnakofann. Jörðin var mjúk og blaut eftir rigninguna kvöldið áður og Allison lagði handlegginn um Bonnie þegar hún fann að golan var að aukast og dró húfuna betur yfir ljósar krullurnar. Hún átti ekki nema örfáa daga eftir af þriggja mánaða fæðingarorlofinu og var strax farin að sakna þess að eyða tíma með henni. Sem betur fór vann hún á dagheimili sem þýddi að það yrði ekki langt á milli þeirra
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Vitnavernd
Maisy Daniels reyndi að láta fara betur um sig á hörðum eldhússtólnum og strauk yfir magann sem hafði einu sinni verið flatur en var orðinn eins og melóna eftir að hún var komin á síðasta hluta meðgöngunnar. Hún brosti við tilhugsunina en saknaði þess ekki að hafa verið grennri. Ekki núna að minnsta kosti. Líkami hennar var að sinna frábæru verkefni sem ekki allir gátu sinnt og Maisy fannst sér sómi sýndur með því. Barnið hennar varð sterkara með hverjum deginum og hún gat ekki beðið eftir að hitta litla krílið. Hún hugsaði um fæðinguna, um öndunina sem hún var búin að æfa og jákvæða hugarfarið og klassísku tónlistina í bakgrunninum. Fæðingaráætlunin var fullkomin og úthugsuð niður í smæstu smáatriði. Það eina sem skipti máli var að barnið endaði í fangi ástríkrar móður sinnar og án þess að einhver reyndi að drepa þau. Með öðrum orðum, við aðstæður sem voru gjörólíkar aðstæðunum sem höfðu ríkt þegar barnið var getið. –Hæ. Clara Spencer, fulltrúi hjá vitnaverndinni, kom inn í litla vel kynta eldhúsið og brosti hughreystandi eins og venjulega. Ljósa hárið var orðið grásprengt og hún var komin með hláturhrukkur um munninn. –Afsakaðu, ég varð að svara þessu. Við erum ennþá á áætlun í dag og ætlum meira að segja að flýta þessu aðeins. Hvernig líður þér? –Vel. Maisy rétti úr sér í stólnum og virti konuna fyrir sér. Sambland af lögreglukonu og Mary Poppins og þær höfðu orðið mjög nánar vinkonur á undanförnum mánuðum. Hún var líka sú eina sem Maisy hitti reglulega. –Var eitthvað skrýtið við símtalið? spurði Maisy því hún skynjaði undarlegt óöryggi í augnaráði Clöru
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Öryggisgæsla
Gwen Kind beygði sig til að teygja á hásinunum og ná andanum við hliðina á fjölfarnasta hlaupastígnum í New Plymouth, Kentucky. Hún hafði verið að vonast til að geta hrist af sér ónotatilfinninguna um að einhver væri að fylgjast með henni áður en hún færi heim í sturtu en það tókst greinilega ekki. Hún rétti úr sér og sneri upp á sig, dró að sér svalt haustloftið og horfði á litlu skýin, sem andardráttur hennar myndaði, svífa burtu. Októbermánuður var fallegur í haustlitunum í New Plymouth. Þeir sem voru á ferli voru vel klæddir í svalanum, í skærlitum jökkum og með húfur. Mikið notaður stígurinn lá inn á milli vel snyrtra trjáa og umhverfis vatn sem var alltaf þéttsetið af gæsum. Metro-garðurinn var aldrei mannlaus og þess vegna fór Gwen þangað til að hlaupa. Hún kunni betur að meta morgunhlaupin á fáfarnari hlaupa- og hjólastíg sem hún var vön að heimsækja áður en hún fór í vinnuna en undanfarið hafði henni liðið ónotalega þegar hún var ein á ferð. Síðast hafði hún næstum hlaupið beint í bílinn því henni fannst eins og hún væri ekki einsömul þó að hún sæi ekkert annað en íkorna og fuglahópa hér og þar. Innsæið sagði henni að breyta rútínunni sinni og reynslan samþykkti það. Það voru ekki liðin nema 6 ár síðan hún varð fyrir fólskulegri árás í þemaviku háskólans. Hún hafði verið úti að skemmta sér með vinum sínum eitt kvöldið. Henni var nauðgað, hún var barin og stungin og skilin eftir meðvitundarlaus. Hún andvarpaði og dró bíllykilinn upp úr vasanum. Hún saknaði hlaupa- og hjólastígsins en hún myndi lifa þetta af. Hún hafði hætt ýmsu sem skipti hana meira máli, allt fyrir öryggið. Uppáhaldsstaðurinn til að hlaupa á taldist engin fórn í samanburðinum þó að Metro-garðurinn væri yfirfullur og martraðarkenndur.
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hættuleg fortíð
Skemmdarverk. Luke Broughton steig nokkrum sinnum á bremsurnar til að athuga hvort það væru kröppu beygjurnar á fjallveginum sem ollu því að bíllinn hans rásaði inn á miðjan veginn og hann náði ekki að hægja ferðina en vissi samt betur. Innra með sér. Einhver vildi hann feigan. Hann sá glitta í tvo svarta jepplinga milli trjánna vinstra megin við sig sem óku eftir veginum á eftir honum. Þeir brunuðu áfram og það voru ekki nema 7-800 metrar í þá. Ein hárnálabeygja í viðbót og þeir yrðu komnir að honum. Reyndar yrði ekki langt í að hann missti stjórn á bílnum á þessum ofsahraða og færi út af veginum í einhverri beygjunni. Hann hafði ekið herjeppum á söndugum vegum í Mið-Austurlöndum og í fjöllum Afganistan en þetta var ekki léttvopnað ökutæki og Teton-fjöllin í norðvestur-Wyoming voru allt öðruvísi. Hærri og brattari. Vegirnir voru betri en þétt laufskrúðug trén skyggðu á útsýnið. Hnúarnir hvítnuðu þegar hann þétti dauðahaldið um stýrið til að taka næstu beygju. Afturhluti bílsins slóst til en hann náði stjórninni aftur. Hinu megin við vegriðið var þverhnípi. Hann reyndi að skipta bílnum niður en gírkassinn var kominn í verkfall. Skemmdarverk, engin spurning, sem einhver hafði framið á bílnum hans. Einhver sem kunni vel til verka til að þagga niður í fólki sem þvældist fyrir með því að láta afleiðingarnar líta út fyrir að vera slys
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Verndarinn
–Mamma, hann var víst að daðra við þig. Hazel Cooper dýralæknir hrökk við þegar eldri dóttir hennar opnaði dyrnar á skoðunarherberginu. Hún krumpaði blaðið, með óþægilegu skilaboðunum, saman í kúlu og stakk henni í sloppvasann, límdi bros á andlitið og sneri sér við. –Áttu við Burke? Ég var útötuð í mítlum og óhreinindum upp að olnbogum. Hann kom með Gunny til að ég gæti hreinsað eyrun á honum og gengið úr skugga um að lyfin væru að vinna bug á sýkingunni. Hann hjálpaði mér með því að halda Gunny og við ræddum um að það þarf fljótlega að bólusetja hundinn við mjógirnasótt. Ekkert daðurslegt við það. Ashley Cooper setti á sig hanska áður en hún sópaði óhreinum grisjum og bómullarhnoðrum af stálborðinu í ruslafötuna. –Ég hefði átt að halda hundinum. Burke þurfti þess ekki. –Gunny er uppáhaldið hans og Burke fer ekki langt frá hundinum. –Ég sá það, sagði Ashley stríðin, –því hann fór ekki langt frá þér heldur og þú færðir þig ekki frá þegar hann straukst við þig. Hazel hristi höfuðið yfir þessu kjánalega tali. –Ég vildi að hann sæi að sýkingin er horfin. –Ég held að þú mótmælir of mikið. Ashley dró gluggatjaldið til hliðar til að Hazel sæi út á bílastæðið og manninn í lögreglubúningnum sem var að hleypa Gunny, þýska fjárhundinum sínum, upp í aftursætið á bílnum. –Hann er piparsveinn, ekki satt? Ég skal veðja að flestum konum líst mjög vel á hann. Samt kemur hann hingað með hundinn sinn til að skiptast á bröndurum við þig og koma aðeins of nálægt þér. Jedediah Burke var rétt í þessu að gefa hundinum skipun um að stökkva upp í bílinn. Svarti og brúni hundurinn var sterkur
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Með morðingja á hælunum
–Slepptu mér. Virginia Brennan prófessor losaði sig úr þéttu taki mannsins en þá greip hann aftur í hana með báðum höndum. –Hvar er Lombard? Gamli hvíthærði maðurinn var með sterkan hreim sem minnti hana á Chekov í sjónvarpsþættinum Star Wars, sem hún elskaði að horfa á, en þessi maður var enginn draumaprins unglingsstúlkna eða hetja úr geimnum. –Ég veit það ekki dr. Zajac og svona yfirgangur hjálpar ekkert til. Kammertónlistin í bakgrunninum hljómaði undarlega ósamhljóma þegar Gigi fann að hún var komin með bakið að veggnum utan við stóra salinn á Muehlebach hótelinu. –Þú getur ekki falið hann fyrir mér, sagði samstarfsmaður hennar ásakandi. –Ég er ekki að því. Hún ýtti á bringuna á manninum og blótaði í hljóði þegar par sem átti leið fram hjá þóttist ekki sjá framkomu mannsins, manns sem var virtur rannsóknarmaður, og gerði ekkert til að stöðva hann. Evgeni sá þau líka og sleppti henni. Kannski til að mannorð hans biði ekki hnekki í augum styrktaraðilanna sem styrktu sameiginlegar rannsóknir hans og Ian Lombard. Gigi færði sig fjær svo hann næði ekki til hennar og benti inn á ganginn þar sem salernin voru. Þar hafði hún síðast séð vin sinn og læriföður, Ian Lombard. –Ég sá ykkur rífast fyrir nokkrum mínútum síðan en hann er farinn. Hún þurfti sjálf að hitta Ian svo hún gæti forðað sér úr þessari martröð, samblandi af hávaða og fólki í móttöku háskólans sem var haldin í miðri Kansas City, og farið heim. Hana verkjaði í andlitið þegar hún setti upp enn eitt brosið sem hefði passað vel á andlitið á almannatengli. –Ég er líka að leita að Ian og ég vonaði að þú hefðir séð hann
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Lögregluvernd
1. maí. Þjóðhátíðardagur Lukinburg. St. Feodor, á tröppunum við torgið framan við höllina. –Eftir þrjá mánuði verður St. Feodor gestgjafi þegar hópur fyrirmenna frá systurborg okkar í Bandaríkjunum kemur í heimsókn. Við ætlum að kynna Bandaríkjamennina fyrir heillandi landinu okkar og sýna þeim að þeir þurfa jafnmikið á okkur að halda og við á þeim. Þeir þurfa á fallegu náttúrunni og hæfileikaríka fólkinu okkar að halda. Smellir frá myndavélum í mannþrönginni blönduðust saman við suðið frá fjölmiðlafólkinu sem sagði fréttirnar á mismunandi tungumálum og hávaðinn var eins og bakgrunnshljóð fyrir brestina í gamla hátalarkerfinu. Allir biðu eftir að litla fjallalandið Lukinborg í Austur-Evrópu færi að blómstra aftur eftir margra áratuga kúgun og tæki sinn réttmæta sess á sviði heimsins einu sinni enn. Svarthærð kona í kremlitaðri dragt kom aftan að prinsinum við ræðupúltið og ýtti laust í öxlina á honum. –Ekki gleyma að nefna nafn borgarinnar yðar tign, sagði hún. –Takk Galina, hvíslaði prinsinn og sneri sér aftur að hljóðnemanum. –Kansas City í Missoury, systurborg okkar, verður félagi okkar í Lukinborg til framtíðar og saman munum við njóta virðingar og blómstra. Við verðum frábærir vinir. Fagnaðarlætin voru ærandi. Prinsinn lagaði gleraugun aðeins og horfði yfir mannfjöldann gegnum skothelda glerið sem umlukti ræðupúltið, framhjá skiltunum þar sem lýst var yfir stuðningi við nýja stjórnarfarið og á þungbúna mótmælendur sem voru ekki eins jákvæðir og biðu eftir tækifæri til að láta í sér heyra. Áður fyrr hefði mannþröng af þessari stærð í borginni,
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Brúðarmær í hættu
Okkur er það mikil ánægja að bjóða þér í ... –Þetta hlýtur að vera grín. Conor Wildman renndi augunum yfir boðskortið í brúðkaupið. Upphleypt bleik hjörtu og fjólubláir borðar skreyttu pappírinn og litla spjaldið með upplýsingunum um hvert átti að senda svarið við boðinu. Þetta hlaut að vera grín. En var það ekki. Kærastan hans fyrrverandi var ansi ósvífin að bjóða honum í brúðkaupið sitt. Ennþá ósvífnara af téðri fyrrverandi að ætla að giftast fyrrum besta vini hans. Hann var ekki bitur. Conor hnussaði, fékk óvart heitt kaffi upp í nefið, og blótaði. Já, svona vel leið honum við að sjá nöfn Joe og Lisu saman, eins og þegar heitur svartur drykkur brennir nasaholurnar. Hann hefði átt að leyfa pósti gærdagsins að liggja á bekknum og skoða hann eftir vinnu í kvöld, eða eftir drykk eftir vinnu sem var enn betra. Nei, hann hefði átt að henda fölbleika umslaginu í ruslið og fara svo beint á barinn þar sem hann og vinir hans í lögreglunni voru vanir að hittast. Heimilisfang sendandans hafði ekki verið á umslaginu til þess að hann myndi ekki henda því beint í ruslið. Ef hann hefði verið búinn að fá kaffi hefði hann kannski rekið augun í að umslagið var sent frá Arlington, Virginiu, en hann var nýkominn úr morgunsturtunni og rétt búinn að hella í fyrsta kaffibollann svo minningin um það sem hann hafði glatað undanfarin tvö ár náði að koma honum á óvart. Það skipti ekki máli þó að hann skildi alveg ástæðuna fyrir því að Lisa sagði honum upp. Of margar lygar sem hann varð að segja, of margar nætur í vinnu þegar hann vann hjá vitnaverndinni. Það var samt sárt að vera sagt upp og röksemdirnar gátu ekki dregið úr sársaukanum við að fá
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Leiðangurinn
Jason Hunt hékk á fingurgómunum í nokkur þúsund metra hæð og síminn hans hringdi. Nokkur hundruð metrar í viðbót, þá hefði símasambandið dottið út. Hann treysti á handstyrk sinn og öruggt grip og naut þagnarinnar milli hringinganna. Sumarsólin skein skært fyrir ofan hann og geislarnir voru hlýir á hörundinu. Hitinn endurkastaðist af storkubergsklettunum sem hann hafði verið að klifra upp undanfarna klukkustund. Hann hefði getað haldið sig við merktu leiðina eins og túristarnir en hann hefði ekki viljað missa af þessu útsýni. Heiðskír himinn. Margir kílómetrar milli þessa fjalls og næsta. Snjór á fjallatoppunum, síðan silfurgrátt storkuberg og við tók dökkgræn og brún trjálína. Hann sá meira að segja glitta í grábláar útlínur vatnsins, Jenny Lake, þaðan sem hann hékk. Hann færði takið til að geta snúið sér og andaði að sér lofti sem var svalara og hreinna en í nokkrum öðrum heimshluta sem hann hafði heimsótt. Hann hafði heimsótt fleiri en hann kærði sig um. Héðan sá hann alla leið yfir í dalinn, Jackson Hole, milli fjallanna í fjarska ... En síminn hans hélt áfram að hringja. Hann virti bergið fyrir sér í leit að næsta stað fyrir
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Grafin Leyndarmál
Winchester, Tennessee Þriðjudagur 19. október kl. 8:30 Þrítug. Þrítug! Það hljómaði eins og hún væri gömul. Hún leit ellilega út. Naomi Honea starði á spegilmynd sína og gretti sig þegar hún sá að hún var að fá hrukkur við augnkrókana. –Of mikið í sólinni án þess að vera með hatt, tautaði hún. Hún vissi betur. Þetta var bölvun ljósa húðlitarins. Það var rétt en hún gat lítið gert annað en verið úti. Hún var orðinn bóndi, eftir allt saman, eins og pabbi hennar. Hafði verið það undanfarið ár. Hún tók úfið rautt hárið saman í tagl. Hún var líka með sigg í lófunum eins og hann. Naomi horfði rannsakandi í bláu augun sem hún hafði fengið frá mömmu sinni. Augun, hárið og fölu freknóttu húðina hafði hún fengið í arf frá konu sem kenndi henni að vera sterk og þrjósk og fullkomlega sjálfstæð. Hún andvarpaði og sneri sér frá speglinum. Í dag átti hún afmæli. Þetta var fyrsti afmælisdagurinn sem hún hafði eytt algerlega ein. Þetta var málið með að vera einbirni. Þegar foreldrarnir voru látnir var enginn eftir. Tja, reyndar var Donnie, móðurbróðir hennar á lífi en hann var ekki beinlínis þekktur fyrir að halda sambandi. Hann var sjötugur og leit á sig sem kvennagull. Hún gat
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista