Flýtilyklar
Ást og afbrot
-
Angist
Laugardagur 9. september
Rachel Maxwell opnaði augun. Veröldin var enn svört. Hún reyndi að lyfta handleggjunum, en nístandi sársauki greip hana við sérhverja hreyfingu. Hún var á lífi. Það var það eina, sem hún var viss um. Dauðinn var ábyggilega ekki svona
kvalafullur.
Augun vöndust myrkrinu hægt og rólega, en höfuðverkurinn var svo svakalegur að heilinn gat ekki áttað sig á því hvar
hún væri eða hvers vegna. Hugurinn reikaði hingað og þangað.
Eina skíman var löng og mjó ljósræma hinum megin í herberginu. Líklega voru þarna dyr og ljósræman undir hurðinni.
Tunglskins naut ekki, þar eð herbergið var gluggalaust, og ekkert hljóð heyrðist annað en andardráttur hennar sjálfrar.
Hún lá flöt á bakinu, hugsanlega í rúmi. Hún þreifaði á andlitinu á sér. Kinnarnar voru bólgnar, en dofnar og eini staður líkamans þar sem hún fann ekki til.
Hún reyndi að skýra hugsunina og einbeita sér.
Óttinn heltók hana þegar hún mundi eftir manninum semEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Skjótari en skugginn
Dani Boatman sprautaði síðustu, fullkomnu rósina efst á marglaga brúðarkökuna. Svo færði hún sig frá og dáðist að handbragði sínu. Stórkostlegt, hugsaði hún, næstum því of falleg til að skera hana og borða.
En hún yrði borðuð, ekki spurning. Brúðurin hélt því fram að gestalistinn lengdist í sífellu. Brúðkaup voru víst meiri háttar
mál í litla bænum Winding Creek í Texas... tækifæri til að klæða sig uppá, hitta vini sína og nágranna og dansa við hljómsveitarundirleik. Og svo auðvitað til að samgleðjast nýbökuðu hjónunum.
Það sem henni fannst mest spennandi var að hún var ekki bara boðin í veisluna heldur tók hún þátt í þessu. Hún var
brúðarmær í brúðkaupi Grace Addison og Pierce Lawrence.
Hún yrði eini beini þátttakandinn, fyrir utan Jaci, fimm ára gamla dóttur Pierce, sem átti að vera blómastúlka.
Grace hafði hjálpað Dani að velja kjól úr smaragðsgrænu satíni sem undirstrikaði augnlit hennar og passaði vel við óstýriláta, koparrauða liðaða hárið.
Grace var eina nána vinkona Dani eftir að hún flutti hingað.
Ekki það að fólk væri ekki vingjarnlegt, Dani hafði bara eiginlega engan frítíma.
Dani lauk við að skreyta kökuna. Blöðin á síðustu rósinni voru svo fíngerð að þau jöðruðu við að vera gagnsæ.
Dani elskaði alla rómantík þó að rómantíkina skorti í líf hennar sjálfrar. Hún hafði farið á stefnumót en samböndinEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Hendarhugur
Esther lyfti lokinu og þefaði, fann ilminn af baununum, kryddinu og beikoninu sem hún hafði sett út í til bragðbætis. Sennilega heldur mikið af salti og fitu fyrir heilsuna en svona vildi Charlie hafa það. Hann hafði borðað matinn hennar í 53 ár og montaði sig ennþá af því að hún væri besti kokkurinn í Texas.
Hún greip stóru málmskeiðina og hrærði einu sinni enn í baununum og skrúfaði svo fyrir gasið. Baunirnar voru tilbúnar,
líka næpukálið og maísbrauðið. Laukurinn niðursneiddur. Hún þurfti ekki að líta á klukkuna til að vita að það var matartími,
maginn sagði henni það.
Hún leit samt upp, á háværu járnklukkuna sem tifaði á veggnum andspænis henni. 10 mínútur yfir 12 sem þýddi að
klukkan var að verða hálf. Gamla klukkan var orðin hægfara en nógu nálægt réttum tíma fyrir Ester. Sjálf var hún orðin 72 ára og farið að hægja á henni.
Charlie hafði aldrei verið yfirmáta stundvís þó að hann væri kominn á fætur við sólarupprás á morgnana. Hann hélt því fram að kýrnar fylgdust ekki með klukkunni og því ætti hann þá að gera það.
Hann var samt sjaldan seinn í mat. Hann hlaut að vera að reyna að ljúka einhverju, kannski að gera við gamla traktorinn
sinn. Hún hafði reynt að fá hann til að kaupa annan en hann vildi ekki heyra á það minnst. Aldrei fleygja því sem hægt er að
gera við, sagði hann.
Hún fyllti tvö glös af ísmolum og hellti svo nýlöguðu sætu tei í annað þeirra og fór með það út á pallinn til að bíða eftirEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Undir kyrru yfirborði
–Hvað get ég gert fyrir ykkur, nefndu það bara. Jess lagði frá sér kaffið. –Rétt áðan var Amber, yngri systir Barb, kölluð
inn til yfirheyrslu vegna morðmáls.
Jess hnykklaði brýrnar. –Ég var ekki búin að frétta af því.
Var framið morð í gær? Fyrir aðeins fáum mánuðum hefði Jess verið búin að fá allar upplýsingar um svona mál, jafnvel
áður en nokkur var handtekinn. En ekki lengur. Dan passaði sig á því að tala ekki um vinnuna eftir að þau voru komin heim. Ef mikið lá við gat hún þó fengið hann til að hjálpa sér með ákveðnar upplýsingar. Það var stóri kosturinn við að vera
gift lögreglustjóranum. Hún fann hlýjuna sem kom yfir hana við að hugsa til eiginmannsins. Hann var virkilega góður maður.
–Dan sagði mér eins og mikið og hann gat. Hann fullyrti að þetta væri bara formsatriði en ég hef samt áhyggjur. Ég sagði
honum að ég myndi tala við þig. Gína andvarpaði. –Ég held ekki að hann hafi verið ánægður með það. Mér sýndist hann
áfjáður í halda morðmálum og slíkum hroða frá móður barna sinna.
Fyrir tveimur árum hefði Jess orðið afbrýðisöm yfir því að Gína hefði talað við Dan. Þau höfðu einu sinni verið par, alltaf að hætta og byrja saman aftur. Núna leit hún á Gínu sem vinkonu sína. –Ekki hafa áhyggjur af Dan. Jess hristi hausinn.
–Ég hef margoft sagt það við hann að þótt ég sé ekki lögga lengur þá muni ég ekki hætta að rannsaka morðmál.
–Ef hann réði ferðinni, þá myndi hann örugglega vilja að þú hættir að vinna, sagði Gína stríðnislega. –Við vitum báðar
að hann vill fyrir hvern mun að þú sért öruggEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Raddirnar
Birmingham, Alabama.
Mánudagur 19. september kl. 15.30
Jess Harris Burnett, fyrrum varðstjóri, lagfærði nafnskiltið á nýja gamla skrifborðinu í miðri litlu skrifstofunni. Hornskrifborð í sama stíl stóð við vegginn undir glugganum. Hún var með gott útsýni út á götu, eitthvað annað en félagi hennar sem var með útsýni yfir húsasundið bak við bygginguna. Hún hafði boðist til að kasta upp á útsýnið en hann hafði heimtað að hún
tæki það sem skárra var. Buddy Corlew, gamall vinur hennar sem nú var orðinn viðskiptafélagi, kaus skrifstofu með mögulegri útgönguleið bakatil. Hann hreykti sér af því að hafa unnið í nógu mörgum málum varðandi maka sem héldu framhjá til að kunna að meta að geta komist fljótt undan.
Jess andvarpaði og virti skrifstofuna fyrir sér. Hún leit alls ekki svo illa út núna þegar hún var búin að koma sér fyrir. Hún
hafði haft efasemdir um að skipta um starf en þær voru að mestu horfnar, líka sögusagnirnar í fjölmiðlum og meira að segja í deildinni. Fólk sem henni þótti vænt um skildi ástæður hennar fyrir að skipta um starf og studdi hana. Hún saknaði samt hópsins í stórglæpadeildinni og að sumu leyti starfsins á vettvangi en núna voru fjölskylda og vinir þau sem mestu máli skiptu.
Bestu vinkonur Jess, Lori Wells og Sylvia Baron, höfðu hjálpað henni að innrétta skrifstofurnar. Húsið var eitt af elstu húsunum í Birmingham og þær höfðu valið gamaldags stíl.
Jess færði stólana tvo framan við skrifborðið aðeins til og gekk frá til að virða þetta fyrir sér. –Alls ekki slæmt.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Þjóðgarðurinn
Sjö. Flestir héldu að það væri happatala. Hann hafði meira að segja haldið það sjálfur. Þetta átti að vera sjöunda ferðin
hans, síðasta verkefnið á önninni, síðasta hreingerningin áður en hann gæti farið til Mexíkó að sleikja sólskinið allan veturinn. Senjorítur, sjóskíði og bjór... allt sem þurfti til að verða hamingjusamur.
En nú starði hann á rándýrið og var kominn á þá skoðun að sjö væri óhappatala.
Grábjörninn hoppaði um á framfótunum eins og hundur sem langaði til að leika sér, en hann var nógu vel að sér um
birni til að vita að þessum var ekki leikur í hug. Nei, þessi hegðun var ógnandi.
Hann gekk eitt skref aftur á bak án þess að hafa augun af bangsa. Svört augu dýrsins virtu hann fyrir sér og lögðu á
hann mat.
Hann hefði gefið aleiguna til að vera þriggja metra hár á þessu augnabliki. Ekki í fyrsta sinn.
–Góður bangsi, sagði hann og rétti hendurnar upp. –Góður bangsi. Svo leit hann um öxl, en maðurinn sem hannEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Námuréttindin
Allt var mælt í tíma í Montana, ekki í eknum kílómetrum eða gæðum eða fórn. Það tók til dæmis ekki nema tvær klukkustundir að aka frá Missoula til Butte. Og kærastinn hennar?
Tæpir þrír mánuðir. Hún hafði verið 16 ára, of ung til að sambandið gæti kallast alvarlegt en nógu gömul til að verða ófrísk.
Þá hafði sambandinu lokið á innan við 10 sekúndum og hún var skilin eftir með fallega dóttur og fölnaða drauma.
Það voru 13 ár síðan. 13 ár af hræðslu, auðmýkt og gleði.
Nætur sem var eytt í að róa dótturina þegar hún fékk í eyrun og dagar sem var eytt í baráttu til að komast þangað sem hún var...
lögreglufulltrúi í smábæ í fastri vinnu og með stöðugar tekjur.
Hún var sú eina sem var nógu sterk til að sjá fyrir mömmu sinni og dóttur. Þær þurftu á henni að halda.
Draumar voru fyrir þá sem höfðu efni á þeim og það hefði Blake West aldrei.
Gamla talstöðin í bílnum vaknaði til lífsins með braki þegar rödd konunnar hjá neyðarlínunni fyllti bílinn. –Blake, mamma
þín hringdi, sagði að það væri vesen heima hjá þér.
Hún svaraði, –ekki hika við að minna mömmu á að neyðarlínunúmerið er bara fyrir neyðartilvik.
–Þú skalt segja mömmu þinni það, sagði konan og hló.
Blake hristi höfuðið við tilhugsunina um að segja mömmu sinni, írskri konu sem var gamaldags í sér, að hún mætti ekki gera eitthvað. Það gengi betur að sannfæra páfann um að gangaaf kaþólskri trú.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Verndargæsla
Thomas Watson fann til í andlitinu af áreynslu við að halda aftur af tárunum þegar hann sá dóttur sína í brúðarkjólnum.
–Pabbi, þetta er allt í lagi. Olivia Mary Watson var búin að pakka öllum hversdagsklæðnaði niður ásamt byssu og skildi og
var komin í perlusaumaðan fílabeinshvítan kjól sem sýndi svart á hvítu að hún var fullorðin kona, nokkuð sem hann var tregur til að viðurkenna. Hún strauk honum um vangann og brosti, minnti Thomas á eiginkonuna sem hann hafði misst en hún hafði fallið fyrir byssukúlu frá dópuðum innbrotsþjófi þegar Olivia var smábarn. –Ég verð alltaf litla stelpan þín.
Hún hafði hætt að vera litla stelpan hann daginn sem hún réð sig í lögregluna í Kansas City, þar sem hann sjálfur, faðir hans og þrír eldri bræður hennar voru líka lögreglumenn, en faðir mátti láta undan tilfinningaseminni á degi eins og þessum. Þau stóðu í gættinni að fataherberginu í kirkjunni og heyrðu tónlistina sem var spiluð fyrir athöfnina en Thomas mundi eftir skrámuðum hnjám, pirrandi eldri bræðrum og ástarsorg sem hafði útheimt ráðgjöf, þolinmæði og faðmlög frá honum.
–Þú ert gullfalleg, svo lík mömmu þinni. Hann strauk blúnduna í slörinu sem brúður hans sjálfs hafði borið 35 árum fyrr þegar hann hafði verið nýútskrifaður lögreglumaður sem hafði verið sendur til Englands í fyrsta verkefni sitt erlendis. Mary Kilcannon hafði verið óbreyttur borgari sem vann á herstöðinni. Hann hafði bjargað henni frá fullum hermanni á barnum eitt kvöldið og þau höfðu farið að spjalla, talað saman þar til nýr dagur rann upp, kysstst fyrsta kossinum og orðið ástfangin.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ágústmáni
–Þetta er einhver Valentínusardagsbölvun, sagði Duff Watson við sjálfan sig. Smókingfötin sem leigan hafði látið hann fá voru áreiðanlega númeri of lítil.
Hvað skyldi fjölskyldan hans segja ef hann tæki af sér slaufuna og hneppti efstu skyrtutölunni frá? Þessi klæðnaður
var bara fyrir apa. En systir hans yrði fúl og faðir hans færi hjá sér. Seamus afi myndi hlæja og bræður hans stríða honum til æviloka. Þá var betra að láta sig hafa það.
Duff var hann ævinlega kallaður, þó að hann héti Thomas.
Hamingja systur hans skipti hann miklu máli og hann hafði meira að segja fallist á að vera svaramaður unnusta hennar.
En það eina sem var venjulegt við þennan dag var skammbyssan í hulstrinu við mjóbakið á honum og skjöldur rannsóknarlögregluþjónsins sem hann geymdi í vasanum.
Yngri bræður hans tveir, Niall og Keir, röltu fyrir aftan hann. Bræðurnir voru að fylgja brúðarmeyjunum að altarinu.
Watson-bræðurnir þrír voru allir lögregluþjónar í þriðja ættlið. Faðir þeirra var löggæslumaður og afi þeirra hafði
verið það líka. Bræðurnir voru gjörólíkir. Niall var sá gáfaði.
Hann var réttarlæknir og vann á glæparannsóknarstofunni.
Hann virtist ekkert kippa sér upp við pompið og praktina í kringum sig. Hann virtist fremur vera að reikna út skrefa-Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Niðurtalningin
−Þú er nú meiri rugludallurinn, fulltrúi Watson.
Keir Watson skellihló framan í Natalie Fensom Parker, brúðarmeyjuna sem var förunautur hans upp að altarinu við brúðkaup systur hans. Hann lagaði dumbrautt bindið við vesti í stíl sem hann klæddist undir svörtum smókingfötum og bar
höndina að enni sér að hermannasið á leið framhjá Al Junkert.
Al var gamall fjölskylduvinur og einnig fyrrum lögreglumaður og samstarfsfélagi föður Keir, Thomas, eða þar til sundurskotinn fótleggur hafði rekið hann á eftirlaun fyrir aldur fram. –Það er ekki rétt, frú. Ég segi ávallt satt og þú ert fegursta ólétta konan hér í dag. Enginn gestanna getur slitið af þér augun.
Blómvöndurinn sem engu var líkara en hvíldi á útþöndum kvið Natalie hristist allur til þegar hún flissaði. –Augu allra eru
á systur þinni og Gabe í dag. Það er enginn sem horfir á mig vagga hérna upp að altarinu.
−Það gerir eiginmaður þinn reyndar.
−Ég gæti trúað að Jim fylgist frekar með þér, sagði hún og brosti út að eyrum til eiginmanns síns þegar þau gengu hjá
sætaröðinni þar sem hann stóð. –Þau Olivia systir þín hafa starfað hlið við hlið um tíma og ég fylgist því óneitanlega náið
með ykkur Watson bræðrunum. Þriðju kynslóðar lögreglumenn á eftir föður ykkar og afa. Hann Jim minn þekkir nú vel orðspor ykkar innan lögreglunnar.
−Að ég stefni að því að vera ámóta seigur og hann er úrræðagóður? Að ég ætli mér að verða aðstoðarvarðstjóri áður en
ég næ þrjátíu og fimm ára aldri?
−Nei, að þú sért daðrari fram í fingurgóma. Hún þrýstiEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista