Þegar hann heyrði tónlistina, nam hann staðar. Gangurinn í vél Harleyhjólsins hans var taktfastur eins og hrynjandin í sveitatónlistinni sem barst frá kránni. Hann kunni vel við sig á krá þar sem hann gat hlustað á góða sveitatónlist. Hann hafði verið á leiðinni á hótelið, en skipti um skoðun þegar hann heyrði tónlistina. Hann lagði mótorhjólinu og gekk inn í rökkvaða krána.

Alexa? Alexa, vaknaðu. Fimm ára stelpan vaknaði og sá móður sína við rúmið. Hjartað sló hratt í litla brjóstinu. Hvað er að, mamma? spurði hún og röddin brast. Það eitt að sjá móður sína við rúmið um miðja nótt fyllti hana kvíða. Hún barðist við að vakna almennilega. Hafði hún verið að öskra í svefni, hafði hún fengið aðra martröð?

Dawson Chisholm stöðvaði hestinn til að líta aftur á húsin í fjarska. Þetta var útsýnið sem hann hélt mest upp á á Chisholm-búgarðinum. Hann hafði alltaf verið stoltur af veldinu sem faðir hans hafði byggt. En í dag fann hann fyrir ábyrgðinni á búgarðinum og óttaðist um föður sinn... og framtíðina. Einhver vildi ekki bara eyðileggja það sem Hoyt Chisholm hafði byggt, heldur líka Hoyt sjálfan.

Ljósin birtust í myrkrinu eins og vin í eyðimörk. Billie Rae leit í baksýnisspegilinn á gamla pallbílnum, svo á bensínmælinn. Hún hafði ekki séð neinn bíl í langan tíma en hún vogaði sér ekki að hægja ferðina. Það heyrðist hátt í vél pallbílsins, hún keyrði á tæplega hundrað og fimmtíu en það var bensínmælirinn sem olli henni áhyggjum. Hún var næstum orðin bensínlaus. Sem þýddi að hún var að verða búin með heppnina.

Emma Chisholm heyrði lætin inn í eldhúsið, sem var aftast í búgarðshúsinu. Hún þurrkaði sér um hendurnar á svuntunni og gekk í gegnum stórt húsið til að sjá út í garðinn fyrir framan hús. Eftir hratt samband og hjónaband, hafði hún ekki verið viðbúin þessu nýja heimili. Hoyt hafði varað hana við, hafði sagt að búgarðurinn væri langt frá nokkru öðru í Montana. Samt hafði hún ekki getað ímyndað sér neitt svona afskekkt eða svona stórt

TD Waters ýtti með tánni við manninum á jörðinni. Engin viðbrögð og hann leit til sjóndeildarhringsins. Hinn maðurinn var að fara yfir hæð, kominn úr skotfæri og of langt til að eftirför gerði eitthvert gagn.  Waters bölvaði, ýtti kúrekahattinum ofar á höfuðið og slíðraði vopnið á meðan hann horfði á manninn komast undan með hálfa milljón dollara. Hann hafði misst peningana... og látið annan komast undan. Hvar eru peningar

Jace Dennison sá konuna stara þegar hann settist niður til að bíða eftir fluginu til Montana. Hann opnaði strax bókina sem hann hafði keypt til að komast hjá því að tala við nokkurn mann. En við það féll bréfið frá móður hans úr bókinni. Jace fann fyrir sektarkennd í bland við sorg þegar hann beygði sig til að taka bréfið upp. Ef hann bara hefði lesið það og getað farið aftur til Montana áður en það varð um seinan

Þegar Cyrus Winchester opnaði augun, botnaði hann ekki neitt í neinu. Hann virtist vera á spítala og kannaðist ekki við sig. Hann lá í sjúkrarúmi og heyrði í sjónvarpinu frammi á ganginum þar sem verið var að auglýsa síðustu haustútsölurnar. Hann hlaut að vera að dreyma. Hann hafði verið á leiðinni til Montana til að verja fjórða júlí með ömmu sinni, sem hann hafði ekki séð í tuttugu og sjö ár.