Hann hafði nálgast hana síðasta klukkutímann, var að ná til hennar, óstöðvandi andstæðingur sem var að þreyta hana. Kuldinn seildist inn í þykka hanskana og stígvélin, alveg inn að beini. Alexi Katya Ivanov ýtti fastar á bensíngjöf vélsleðans, þakklát fyrir að sleðinn sem hún stal hafði verið með fullan bensíntank.

Carter Flagstone myndi fyrr deyja en að fara aftur í fangelsið. Sem gæti gerst ef hann kæmist ekki að því hver kom sökinni á hann fyrir morðið. Hann sneri sér í bælinu, sem hann hafði búið sér til í ónot­aðri hlöðu á Bucking Bronc Lodge búgarðinum, andaði að sér heylyktinni, ferska loftinu og frelsinu.

–Carter slapp úr fangelsinu. –Ha? Hjarta Brandons Woodstock byrjaði að slá örar þegar hann heyrði áhyggjurnar í rödd besta vinar síns. –Hvernig? –Ég veit ekki öll smáatriðin enn, sagði Johnny og var greini­lega spenntur. –Eftir ródeóið fór ég að hitta hann í fangelsinu og lét hann fá símanúmer einkaspæjara sem ég réði til að rannsaka mál hans.

Rachel Presley var að kafna. –Ég sagði þér að ég myndi aldrei sleppa þér. Hún fékk krampa af ótta þegar hún heyrði illskulega rödd eiginmannsins. Rex hafði fundið hana. Aftur. –Nei, hvíslaði hún hás. –Gerðu það… Hún reyndi að losa hendur hans af hálsinum á sér en hann herti takið og neglurnar grófust inn í hálsinn og lokuðu fyrir öndunarveginn.

Tom Hawthorne skellti hurð Toyota-jeppans, skellti henni fast. Af hverju í fjandanum hafði hann ákveðið að stytta sér leið í stað þess að halda sig á þjóðveginum? Það var komið langt fram á kvöld og hann var fastur á hlykkjóttum malarvegi í dal. Engir aðrir bílar. Enginn kofi sjáanlegur. Aðeins stjörnurnar urðu vitni að reiði hans. –Fjandakornið.

Það var óreiða á skrifborðinu á heimaskrifstofu Rays Jantzen... óopnaður ruslpóstur, bækur, hlaupaskór með slitna reim, möppur, rannsóknargögn fyrir ritgerð sem hann hafði birt í American Journal of Psychiatry og... byssa. Á bak við tímaritastafla fann hann innrammaða mynd af konu sinni heitinni, Annie, og syni þeirra, Blake.

Hann var kynæsandi þar sem hann stóð í þröngum hvítum stuttermabol, snjáðum gallabuxum og með viðgerðartöskuna hangandi á grönnum mjöðmunum. Hann var alls ólíkur því sem Brittany Grayson hafði búist við. Hún hafði hringt í Chad Warren, einn af fáum smiðum sem bjó í litla bænum, Black Rock í Kansas

Hann hafði hana í sigtinu. Shannon Brandt áttaði sig á því að hún var að öllum líkindum dauðans matur þegar djúp rödd sagði aðvarandi fast við eyra hennar, „Hreyfðu þig ekki“ og grjóthart vopn var rekið á milli herðablaðanna á henni. Að öllum líkindum skammbyssuhlaup.