Flýtilyklar
Ást og undirferli
-
Sprengingin
Þetta var ekki ástæðan fyrir því að hún gekk til liðs við lögregluna í Battle Mountain.
Alma Majors, lögregluforingi í varaliðinu, stakk hælnum í moldina og reyndi að komast hjá því að detta á andlitið ofan í gilið. Hún var með vasaljósið í annarri hendi og reyndi að halda jafnvæginu með hinni. Moldin
hrundi undan henni og veröldin snerist.
Hún gat ekki haldið aftur af ópinu í brjósti sér. Sársaukinn endurkastaðist um höfuð kúpuna á henni þegar stjörnurnar breyttust hvað eftir annað í hvít strik. Þetta var fyrsti dagurinn hennar í vinnunni og hún hafði þegar gert sig að fífli.
–Fjandinn.
Hana verkjaði í liðina þegar hún reyndi að setjast upp. Skothelda vestið gerði henni erfitt um vik. Mold þakti gómana á henni og náði ofan í lungun. Hún hélt fyrir munninn og hóstaði megninu af henni upp úr sér.
Vasaljósið hafði lent skammt frá henni.
Geislinn skar myrkrið og varpaði skuggum á steina og kletta. Hún leit upp og áleit að hún hefði fallið sextán til sautján metra niður þverhnípið. Hún kom sér fyrir á aumri mjöðminni og seildist í vasaljósið.
Hvern skrambann var hún að gera þarna?
Fyrir ári hafði hún verið hamingjusamlega gift, átt vegabréf með tugum stimpla,Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Háskaleg leyndarmál
Lyklarnir stungust í lófann á henni. Genevieve Alexander gat hvorki hreyft sig né hugsað skýrt. Hún hafði vart stigið
nema tvö skref inn um dyrnar áður en eðlis ávísunin varaði hana við og sagði henni að flýja. Hún kiknaði í hnjáliðunum þegar hún sá allt blóðið. Skuggar afmynduðu andlit fórnar lambsins, en hún þurfti ekki birtu til að bera
kennsl á konuna sem starði á hana. Aðferðir morðingjans voru kunnuglegar, en myndir af vettvangi voru barnaleikur í samanburði við að koma á staðinn og sjá hann.
Verktakinn.
Það var útilokað. Morðinginn sem hún hafði sótt til saka fyrir að láta fórnarlömb sín hanga neðan úr loftinu heima hjá þeim eins og strengjabrúður hafði verið dæmdur í lífstíðarfangelsi án möguleika á reynslulausn.
Þetta var eitthvað annað. Þetta var heimili hennar.
En götin sem réttarlæknirinn fyndi á hverjum lið á líki fórnarlambsins voru ekki það versta. Konan stóð þarna eins og hún hefði einfaldlega verið að bíða eftir því að Genevieve kæmi heim úr vinnunni. Henni hafði verið komið fyrir með hjálp sterkrar fiskilínu og króka úr stáli.
Hún hafði verið að bíða.
Veruleikinn braust í gegnum óttann. Hún tók upp símann og hrökklaðist burt fráEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Glæfraspil
Þremur mánuðum fyrr...
–Þú átt eftir að grátbiðja um meiri sársauka eftir að ég hef lokið mér af.
Chloe Pascale reyndi að opna augun og deplaði augnlokunum gegn birtunni.
Tré. Snjór. Kuldi. Hún var með dúndrandi hjartslátt og fann fyrir honum alla leið
upp í höfuð.
Fótatak barst henni til eyrna þar sem hún reyndi að kalla fram það síðasta
sem hún mundi. Hún hafði verið úti að skokka á slóðanum nálægt heimili sínu.
Svo... Óttaslegin kreppti hún hnefana.
Hann hafði komið út frá skóginum og...
Hún vætti varirnar því hún var svo þurr í munninum. Með hverju hafði hann deyft hana og hversu mikið magn hafði hann
notað? Meðvitundarleysið bráði af henni og hræðilegur raunveruleikinn rann upp fyrir henni.
–Hvar er ég?
Það brakaði í dauðum laufum undan fótataki til vinstri við hana. Hún sá óljóst móta fyrir útlínum árásarmanns síns. Svört lambhúshetta. Hávaxinn og grannleitur.
Ókunnug rödd. Svartar gallabuxur. ÞaðEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Illur grunur
Courtney Baker var búin að læra að lifa við ótta. Hún var orðin dofin gagnvart honum eins
og villt dýr sem stirðnar upp í ljósgeislanum frá veiðimanninum. Hún hafði sagt sjálfri sér
svo lengi að hún gæti ekkert gert. Að hún væri of hjálparvana til að sigra í orrustum við Trey
Allerton. Að hún yrði bara að þola þetta.
En það kom í ljós að meira að segja afkróað dýr getur barist. Kvöldið áður höfðu þau Trey
rifist og hann sló hana utanundir. Höggið hafði losað um eitthvað innra með henni og þegar hún
lá við hliðina á honum í rúminu um nóttina, eftir að hann hafði sagt henni að hún væri einskis
virði og veikgeðja og kæmist ekki af án hans, hafði hún lofað sjálfri sér því að finna leið til
að fara frá honum.
Þessi ákveðni var ennþá til staðar morguninn eftir. Það var þriðjudagur og Trey þurfti að sinna
erindum í bænum. Hann hlaut að hafa fundið það á sér að Courtney ætlaði sér eitthvað því
hann heimtaði að taka Ashlyn, dóttur hennar með sér. Courtney hafði látið eins og henni væri
alveg sama um það þó að reiðin brynni í henni.
Þetta var aðferðin sem Trey notaði til að stjórna henni: Hann notaði dóttur hennar sem vopn. –Ef
þú reynir að fara frá mér, hafði hann sagt, –þá meiði ég Ashlynn og það verður þér að kenna
að hún þjáist.
Ashlynn elskaði Trey. Auðvitað. Hún var ekki nema þriggja ára og Trey var eini pabbinn sem
hún hafði þekkt. Hún hlakkaði til að fara með honum því hann gaf henni ís og ný leikföng
og sagði henni að hún væri dásamleg.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Gullnáman
Það var ekki auðvelt að skjóta Rebeccu Whitlow skelk í bringu, en í augnablikinu var hún
hrædd. Óttinn heltók á henni magann og sneri upp á hann. Á nóttunni lá hún andvaka og sá
fyrir sér allt það skelfilega sem hefði getað hent ástvin hennar. Þegar hún loksins festi
blund hreiðraði óttinn um sig í draumum hennar og minnti hana á hversu mjög hún
hafði brugðist.
Hún bægði óttanum frá sér þegar hún gekk inn á skrifstofur héraðslögreglunnar í Rayford
sýslu og litaðist um.
–Get ég aðstoðað? spurði kona með stutt, hvítt hár og purpurarauða gleraugnaumgjörð.
Hún sat við skrifborð í miðju anddyrinu og leit upp.
Rebecca gekk að borðinu. –Ég þarf að tala við einhvern varðandi mann sem er saknað.
–Hvers er saknað? spurði konan fremur hlýlega.
–Bróðursonar míns. Hann býr hjá mér.
Rebecca virti fyrir sér gráa veggina í anddyrinu, hvítu flísarnar á gólfinu og ljósmynd
irnar á veggjunum, sem voru af hinum ýmsu lögregluþjónum í einkennisklæðnaði.
–Get ég fengið að tala við einhvern? spurði hún.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Samsæri á fjöllum
Maðurinn lá á grúfu ofan í áveituskurðinum, grænleitt vatnið flaut í kringum hann og grátt hárið á höfði hans breiddi úr sér eins og rytjulegur arfamakki. Ljósbrúnn Stetson kúrekahattur hans lá í rifsberjarunnunum rétt við við brún skurðarins.
–Ég ætlaði að fara að draga hann upp úr skurðinum en sá að hann andaði ekki og ákvað því að betra væri að hafa samband við þig. Perry Webber áveitueftirlitsmaður í Rayford sýslu strauk sér um nefið með gulum tóbaksklút. –Það var áfall að sjá Sam Russell liggja hérna. Ég er búinn að þekkja hann í ein 15 ár og hann er einn traustasti maður sem
ég þekki.
Chris Delray hlustaði á Perry með öðru eyranu á meðan hann virti fyrir sér líkið í skurðinum. –Klukkan hvað fannstu hann? spurði hann.
Perry náði í símann sinn. –Um 25 mínútum áður en ég hringdi í þig, þá hlýtur það að hafa verið í kringum tíu mínútur yfir sjö. Ég varð að hlaupa til baka að bílnum mínum og keyra nokkurn spöl til þess að ná símasambandi.
Chris leit í kringum sig á þurrt og rykugt landslagið. –Hvað fékk þig til að koma hingað?
spurði hann.
–Ég þurfti að opna hliðið á skurði sjö svoEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Mannshvarf á fjöllum
Lauren Baker keyrði eftir aðalgötu Eagle Mountain og hugsaði með sér að Courtney Baker mágkona hennar hlyti að elska að búa þarna því rómantíski byggingastíll Viktoríu tímans, sem var allsráðandi í bænum, var algjörlega í hennar anda.
Lauren ók rólega og fylgdist með fólk inu sem gekk eftir gangstéttunum í von um að koma auga á ljóshærðan koll Courtney.
Auðvitað vissi hún að það yrði ekki svona auðvelt að finna hana en það mátti alltaf halda í vonina.
Kvenröddin úr GPStækinu í bílnum sagði henni að taka vinstri beygjuna sem var framundan og nokkrum mínútum síðar
lagði hún bílnum fyrir framan lögreglustöð ina sem þjónaði Rayford héraði. Stressuð athugaði hún útlit sitt í baksýnisspeglinum og strauk yfir ljósbrúnt hárið, svo smeygði hún sér út úr bílnum og gekk að inngangi
lögreglustöðvarinnar.
Það klingdi í bjöllu þegar hún gekk inn í anddyrið. –Halló, sagði kona. –Get ég að stoðað þig?
Lauren tók af sér sólgleraugun og virti fyrir sér hvíthærða konuna sem sat við móttöku borðið. Konan var með fjólublá gleraugu, bleiklakkaðar neglur og höfrungaeyrnalokka.
–Vantar þig eitthvað, sagði hún aftur?Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Á ystu nöf
Þegar hann leit loks á Ryland þá bólaði hvorki á sektarkennd né ótta í svip hans yfir
því að hafa staðið úti á miðjum vegi í blindbeygju. Viðbrögð hans voru í meira lagi undarleg.
Hann brosti.
Brosið var það óhugnanlegt að Ryland fletti ósjálfrátt jakkanum sínum frá byssuhulstrinu
sem hann var með um öxlina ef ske kynni að maðurinn væri við það að beina vopni að
honum.
Maðurinn kipraði augun eins og hann læsi hugsanir Ryland, setti hægri hönd fyrir aftan bak og beið átekta. Var hann með byssu í buxnastrengnum eða hníf? Hvers vegna hagaði hann sér svona undarlega? Hafði hann ætlað
sér að valda slysi og orðið fyrir vonbrigðum þegar það tókst ekki? Ef svo var þá var hann stórhættulegur og það þurfti að stoppa hann af.
Við þessar vangaveltur varð Ryland litið í afturspegilinn og gerði sér gein fyrir að ef hann héldi áfram að vera með bílinn þarna í beygjunni þá væri hann vís til að valda öðrum alvarlegu slysi.
Hann færði jeppann til hliðar á veginum eins langt og hann komst og setti hættuljósin á. Þegar hann var nýstiginn út úr bílnum og kominn fram fyrir húddið þá lagði maðurinn af stað inn í skóginn og hvarf honum sjónum.
–Heyrðu góði, stoppaðu! Ryland stóð við skurðinn og rýndi í gegnum trén í von um að koma auga á manninn. En hann sá ekkert nema tré og gróður.
–Komdu til baka, maður. Ég vil fullvissa mig um að það sé allt í lagi með þig, kallaði hann. Svo bætti hann lágt við með sjálfum sér. –Og að þú leggir ekki líf einhverra annarra í svona hættu.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Níðingsverk
Veski konunnar sveiflaðist um öxl hennar í takt við sítt, brúnt hárið eins og leiðarljós
fyrir manninn sem var á eftir henni. Hafði hún engar áhyggjur af öryggi sínu? Kannski var
hún ferðamaður sem hafði ekki frétt af hvarfi Erin Speck og óleystu nauðgunarmálunum á
svæðinu. Eða heimamanneskja sem þóttist þekkja sig svo vel um í Gatlinburg að það
hvarflaði ekki að henni að hún gæti verið í hættu.
Grayson hafði lært af biturri reynslu fyrir löngu að hættan gat leynst í hverju horni. Einar
dyr sem hafði gleymst að læsa, eitt kærulaust augnablik gat orðið að dauðadómi. Lífið var
brothætt og dýrmæt gjöf sem gat verið hrifsuð af þér á augabragði og skilið líf aðstandenda
eftir í molum.
Hann kreppti hnefana aftur. Núna var hann næstum kominn nógu nálægt þeim til að geta
orðið að einhverju gagni. Þau voru öll að koma að dimmasta hluta götunnar þar sem fyrir
tækjaeigendur höfðu ekki haft fyrir því að kveikja á útidyraljósum við bakdyr verslana
sinna eða dautt var á flestum perunum. Þetta var fullkominn staður til að ráðast á einhvern.
Hann sá það á manninum sem virtist vera að búa sig undir að leggja til atlögu miðað við
líkamstilburði hans.
Konan virtist hika og skrikaði fótur á hæla háum skónum, loks að gera sér grein fyrir
hættunni sem hún var í. Grayson kallaði og tók að hlaupa um leið og maðurinn hentist í
átt að bráð sinni.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Banvænn eltingaleikur
Mjög margir halda að það sé hægt að koma í veg fyrir illskuverk. Það er rangt hjá þeim. Remington „Remi“ Barton yfirmaður í alríkislögreglunni gekk yfir þröskuldinn og inn í litla bústaðinn sem var í útjaðri borgarinnar. Gresham var ein stærsta borgin í Oregon fylki þó mikill smábæjarbragur væri á henni. Hún lá á milli Hood fjalls og Portland með um hundrað þúsund borgurum. Enginn íbúanna hafði verið nógu nálægt til að heyra í öskrum fórnarlambsins. –Ég frétti að þið hefðuð lent í einhverju svipuðu í Delaware, sagði Daniel Nguyen lögreglumaður í Gresham borg. Hann hafði kallað Remi á staðinn. Hann benti henni á að koma inn og opnaði litla minnisblokk með blýant í hendinni. Há kinnbein, þunnt nef og þykkt svart hár gáfu til kynna asískan uppruna myndarlegs lögreglumannsins. Dökk augun virtu fyrir sér glæpavettvanginn. –Krufning
Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista